|
#1
|
||||
|
||||
Aγṛib
Mačči seg ul i kem ǧiγ
imi ur d-am erriγ leǧwab γef tebṛaţţ-inem, ḥeḍṛen leḥbab mi yeγliγ asen mi-ţţ-γṛiγ rḥan-iyi lehduṛ inem, kerheγ lektiba a-ţţ-walliγ d leqlam bḍiγ aẓaṛ i zedγit ssem, yeḥzen lemri deg i muqleγ as mi kem ctaqeγ udem-iw aṛẓag i tmuγli, am zegḍuf i yuγaleγ εeṛqeγ i wid sneγ qaren-d : « ma d-keččini ? » ṣebr a yaxxam deg i lulleγ am asa, a naseγ d-lmektub aγ d-iwalli… ul-iw meskin i hujeṛ i cerreg lebḥeṛ kul aṭan yezdel fellas, yuγal sellaw seg ḥebbeṛ aṭas ig ṣbeṛ γef tin aεzizen fellas, yecfa as maken is d-iṭaxeṛ tebγa a t-id-ḍfeṛ teẓṛa lγweṛba d-m-txidas, mi meqwṛeḍ ak-id-ḍeqeṛ temẓi-k a-ţţ-tenker ak teḍleq mebla tuγmas, d-lγweṛba i d-ikelxen d-ţţemẓiw yecḍen as mi ţţ-id-qseḍ taluft, yemal wul sanda niḍen yeţţu ig ṣaṛen d ţţinnaken d-yeǧǧa di tmurt, meskint fellas ay terhen lxiq d leḥzen tεemd i temẓi-s a-ţţ-fut, laεwam ţţmseḍfaṛen qnent-iyi wallen ţţuγ γureγ-d tameṭut, tεameḍ i regmat arkwel tekniḍ-as i ddel yesexsisem γef temẓi-m, s-ugudu bedleγ laṣel yefγ-iyi laεqel rehnaγ ulla d-amur-im, εecṛa snin, tisin tebṭel a yaḍaṛ-iw yenfel regment-kem tezyiwin-im, asa lḥif yeččuṛ sḍel azeka ad yenγel a d-bren teḍsa s-udem-im, yibwas uqbel lεica a nbedeγ s-teḍsa a d-am kseγ ineẓman, a nafeγ tεemmeṛ lǧama wa ad yeqaṛ i wa : « ma d-leflani id yenulfan ? » « aḥeq ar d-nek aya, yak ur jaḥeγ-ara » a-ţţ-bdu teḍṣa b-uglan, iḍelli hedṛen marra qaren-as : « d-cmata, isellem ulla deg mawlan » ur yesakad ḥed taεrurt-is yeţţwalli lǧaṛ-is yeγil laεyub-is ṣṛen, ur yellehu d-ceγl-is ad yezyen yisem-is yeḍṣa deg wid i t-yifen, tinegura γer yixef-is m-ig aṛeẓ yecwi-s d-ndama i t-id-yeṣaḥen, ad yeţţγeẓiẓ acaren-is ma yeẓer lḥeq-is bwin-as-t widen yeṭuṛcen. Lounès Matoub Les deux compères - 1986 Transcription : Icerfan |
|
|