|
Chansons completes postez vos chansons (transcriptions) |
|
Outils de la discussion | Modes d'affichage |
|
#1
|
|||
|
|||
Slimane Azem - Textes entiers
Afṛux ifirellex
Ay afṛux ifirelles ak-cegεeγ awid ttbut, εelli di tegnaw γewes awiyid lexber n-tmurt, abrid-ik yeḍheṛ, iban, deg genni iqeṛb umecwaṛ, γer Sidi Σabdeṛaḥman lwali i qublen lebḥaṛ, inn-as i bab n lbeṛhan : « Aqlaγ di lγweṛba nenṭeṛ…», sellem γef leḥbab aken llan am asa ncallah ar nemẓeṛ… εelli di tegnaw reḥel syenna tṛuḥeḍ qbala, ar tmurt n Leqbayel ẓuri-tt-id akw s-lğğemla, idurar akw d swaḥel laεzayeb, tudder, lexla, sellem γef wid-nni nḥemmel yal yiwen anda yella, zwir si DRAΣ LMIZAN ḥewes kra yellan di lḥuma-s, a-tt-εediḍ γef IZEMRAN TINIRI tt-γuzza uMECṚAṢ, a-tt-fγeḍ s AGWNI G ΓṚAN lḥaṛa-nneγ rzu fell-as, sellem γef leḥbab aken llan xas a-tt-nseḍ din yibwas, kemmel s-adrar n ĞREĞRA naqel, ali d-asawen, s-yenna tṛuḥḍ qbala AT WASIF d ICERIḌEN, AT MICLI, TIZI N CRAA, aken id mqaballen, sellem γef leḥbab merra d-saddatt IGAWAWEN, ḍil akinna γer MAYU, AT YALA d BNI MANṢUṚ, TAZMALT, AT ΣEBAS, AQBU, SIDI ΣIC, WAD AMIZUṚ, ḥader win id ttağğaḍ, cfu, ẓuṛiten akw, yelha ttfakuṛ, s-yen γer BGAYET jbu GURAYA ig εusen lebḥuṛ, s-yenna ḍil-ed s IBEḤRIYEN rif rif n lebḥeṛ, dehm-ed TAMGUṬ aεlayen ΣAẒAẒGA d BNI YEĞĞER, MEQLA d AT YIRATEN γer AT YENNI iqerb umcwaṛ, sellem akw γef yeḥbiben, tzureḍ Ččix Muḥend lmexwṭaṛ, s-yen zegred s IWAḌIYEN γuṛek ak εeṛqen iberdan, AT ΣISI akw d IḤESNAWEN akw d WAKAL ABERKAN, TIZI WEZU d BALWA εlayen WAGENUN akw d-lğğiran, s-yenna dehmed s IFLISEN awi-yi-d lexbaṛ yellan.... Transcription : Icerfan Dernière modification par Icerfan 12/06/2011 à 21h18 |
#2
|
||||
|
||||
Taqbaylit
A Taqbaylit, a tigejdit a tin γef yebna wexxam, ṣbeḥ tamedit, argaz weṣit innas ad yedu s-lewqam d-kemini d-ttigejdit γef tebna dunit γurem akw id cuden isulas, γurem id tsenned tkufit d-ucbaylu n-zit d-kemini i d-aεesas, ma yella rray-im diri-t ur teṛṣi-ara tgejdit kulci ad irab γer lsas, a Taqbaylit, a tigejdit a tin γef yebna wexxam, ṣbeḥ tamedit, argaz weṣit innas ad yedu s-lewqam kul yum weṣi argaz-im yessim d warraw-im mel-asen iberdan yelhan, jereb kan deg yiman-im aken yella wexxam-im i llan ulla d-lğğiran, ekes tismin seg ul-im lhi-d kan d-ceγwl-im a-tt-illim akw di laman, a Taqbaylit, a tigejdit a tin γef yebna wexxam, ṣbeḥ tamedit, argaz weṣit innas ad yedu s-lewqam weṣi-ten akw yiwen yiwen melmi ttun fekriten mel-asen ṣwab d-lmaεqul, d-acu d-lfayda g aεdawen ? bexlaf imeṭawen lxuf d lehlak b-wul, aken nella d-imdamen yak Ṛebbi-nneγ akw yiwen kul taswaεt aγ d-ittmuqul, a Taqbaylit, a tigejdit a tin γef yebna wexxam, ṣbeḥ tamedit, argaz weṣit innas ad yedu s-lewqam tixxer i ẓuṛ akw d-lmenkweṛ lebγed akw d-lekwfeṛ baεd si mkul lebliya, ur ttqezzib, ur ḥeqeṛ mkul wa efk-as leqder yelha lxir akw d-nniya, ma yella terniḍ ṣbeṛ ad yilli fellam ser anga tediḍ d-lεafya… a Taqbaylit, a tigejdit a tin γef yebna wexxam, ṣbeḥ tamedit, argaz weṣit innas ad yedu s-lewqam Transcription : Icerfan |
#3
|
||||
|
||||
Tagiṭart-iw
A tagiṭart-iw, γenniyi-d, mel-iyi-d, inn-iyi-d ma di tecfiḍ, γenniyi-d, sfehm-iyi-d, mel-iyi-d d-acu tebγiḍ… tebγiḍ am d-aγaγ lewter a d-am d-enuγ ajelab, s-derbuka akw d-ṭer mazal a nezhu, a nqeṣeṛ, bac ad nefeker leḥbab, ma tecfiḍ acḥal nesheṛ nezha akw medden merra, acḥal i ncerreg lebḥeṛ acḥal i nenuda timura, acḥal i nezha nqeṣeṛ ama zik, ama tura, mi sliγ i lxiḍ yeṣerṣeṛ laεqel-iw iγab, iṣufeṛ, i ttḥewis di tmura, iruḥ a d-yawi lexbeṛ, a d-am d-igerez isefra, γeniyi-d γef yeḥbiben iḥbiben n-zik-nni, kra degsen γaben muten d-lexyal kan i nettmenni, wiyeḍ mi rebḥen ruḥen ǧanneγ deg lemḥani, a tagiṭart-iw, γenniyi-d, mel-iyi-d, inn-iyi-d ma di tecfiḍ, γenniyi-d, sfehm-iyi-d, mel-iyi-d d-acu tebγiḍ… tebγiḍ am d-aγaγ lewter a d-am d-enuγ ajelab, s-derbuka akw d-ṭer mazal a nezhu, a nqeṣeṛ, bac ad nefeker leḥbab… Transcription : Icerfan |
#4
|
||||
|
||||
Ad cetkiγ
La ttnadiγ ad cetkiγ ad cetkiγ i lmektub ma yella ufiγ-t a d-as inniγ : « teḥṣeḍ-iyi s-lmeṛγub, tekesḍ-iyi ayen bγiγ, tḥettmeḍ felli ayen ugwiγ, almi la ttawiγ dnub » Ttnadiγ anda yella yeffer felli ur d-iban, icegeε-iyi-d ṭlala duriγ seg wayen ilhan, isuff(e)γ-d dgi lεella yekes-iyi ulla d-iniγman, Gulleγ la ttnadiγ fellas alama tferqeγ lmut, ufiγ yibwas lğğerra-s yettecrurud am tsekurt, ḍefreγ-t almi d-lḥara-s yerrayi-d γef tebburt, Ufiγ-t yibwas di targit yeḍsa-d γuṛi, nemsalam, ḍlebγ-as kulci di dunit a t-id-yawi weḥdes s-axxam, inna-k : « tura d-ttamedit, dayen qṛib a d-yeγli ṭlam » daγen urgeγ-t wis mertayen rwiγ fellas llum, nniγ-as : « efk-iyi lemlayen, twekelḍ-iyi γef lqum » innak : « ruḥ ṣber dayen, čči n-dunit wer yettdum… » Transcription : Icerfan |
#5
|
||||
|
||||
Amenṭas
Amenṭas m-ara yeḥṣel ma tjebḍeṭ-i-d ad yenṣel ma teğğiṭ mačči a d-yekes, abuqal m-ara yenγel ma trefḍet-id s-laεqel a ttafeḍ ulac dges, akenni mi-s laṣel ; xas yefhem yetaεqel, ttaḍṣan laεwayer deg-s… lεilm n-leğğnas yuli inudad akw igenni ulla d-agur leḥqen γuṛes, nekwni neksa am ulli amzun kra wer yelli win d-yusan a d-aγ yelles, mi nesεa argaz lεali, ma ibeded a t-neseγli ma yesaε lhiba a ttekes… yeḥzen lbaz la yettru yeṣiγṛit bururu a ceṭḥen igerfiwen, tγaḍit tejra leḥlu, mi tt-yetthuzu waḍu teseγley deg wafriwen, yeččatt lexṛif d unebdu d cetwa la d-tedu tetewḥac ideflawen… yettuγaḍ ẓeṛb ukermus ma ifat qeṣḍent s-lmus ad yuγal akw d-aεemuṛ, mačči d-zehr amegḥus neγ d-tamusni i nxuṣ bway ger-anneγ i nemḍuṛ, ayen yeḍṛan yid-nneγ drus ayenni seg-nneγ afus am ttejra yegzem ucaquṛ, lḥeq ma ifat yedeṛγel γas qezeb naγ fiḥel aken i txedmeḍ, yenqes, wer yettdum-ara lbaṭel γas yerna ad iεeṭel yibwas labud ad ikes, cebiyas kan deg udfel m-ara yettdub s-laεqel alama yefsi weḥdes… amenṭas m-ara yeḥṣel ma tjebḍeṭ-i-d ad yenṣel ma teğğiṭ mačči a d-yekes, abuqal m-ara yenγel ma trefḍet-id s-laεqel a ttafeḍ ulac dges, akenni mi-s laṣel ; xas yefhem yetaεqel, ttaḍṣan laεwayer deg-s… Trancsription : Icerfan |
#6
|
||||
|
||||
Ṛadyu tṛuṭwaṛ
Yenulfa-d radyu-truṭwar* deg yiwen umecwar slant akw, di kul mkan, sufγen-d yiwen n lexbaṛ d-Ṛebbi d-amaṣaṛ nann-as : « yemut Slimane », aken yebγa lεebd ad yehdeṛ tamsalt laεmeṛ siwa agellid i ţţyeẓṛan… yefγed lekteb, yenerna win is yeslan, ad yernu kra sawḍen lexbeṛ meqwaṛ, ţţawin seg wa γer wa ayen ur ẓṛin-ara a ţţwehmeḍ deg-sen acuγaṛ, nek ur i d-uwqiε-ara lmaεna ul-iw i henna aken yebγa lεebd ad yehdeṛ… wehmeγ acu d-salin lεibad ur nesin wigan cehden ur ẓṛan, m(i) ar a d-ḥkun timsalin kul awal si lin amaken ḥedṛen ẓṛan, wilfen seg zik ţţγennin γef ayen ur nemεin mačči yiwet ay d-snulfan… la ţţketiren di lmuḥal sṭuquten awal γef kra yellan d-afenan, bγan ad εeddin lmijal εebden deg yir lfal acḥal meden ay nγan, tura aka ay tedunṭ temsal menwala ad yegal ak yinni : « γṛiγ di lğarnan »… llan deg-sen kra bwerbaε d-at yir ṭbaεa s-lekteb ay d-sguraε, mi ṣuq lḥed lǧemεa iεeṛqasen lğamaε γer ţţbarna ay ţţaran, snulfand kra isefra cennun γef lbira qaren-as yakw : « d-Slimane »… ma d-nek di Ṛebbi i yeṭfeγ wellah ur gwadeγ imi ala neţţa ay g ẓṛan, ur ţţnadiγ wa ḍelmeγ ḥed wer teḥqiṛeγ seg was mi yelliγ d-ameẓyan, ţţγeniγ, sefruyeγ, d-ṣwab id ḥedreγ, ma skedbeγ medden akw ẓṛan… Transcription : Tasusmi |
|
|