|
#1
|
||||
|
||||
Tawriqt tacebḥant
Tawriqt tacebḥant
Ukwiγ-d ṣbaḥ tafejrit, nniγ-as ad sefruγ, ad i teţţrağğu tewṛiqt, turğğa d-acu a d-as ḥkuγ, ugwad-γ ad bduγ tira, wis(en) allaγ m-ad yeţţekki ? ahat yesarem tejra γer lğğedra-s ad yeteki ? tawṛiqt tacebḥant tesbek, leqlam yugwi a-ţţ-yesebrek, i εerq a d-ninni, asagi i nekr iḍelli, i εerq a d-ninni, asa yenekr-it yiḍelli, mi d-tleḥq ţţnaṣfa b-was, dmeγ-d leqlam daγenni, wallaγ tawṛiqt n snitra ma d-tira naγ d-aγenni, ugwin a d-neṭqen lexyuḍ s-ṣut-nni sarameγ, d-acu d-id-rran leḥyuḍ ? siwa ṣut aqdim i sneγ, tawṛiqt tacebḥant tesbek, leqlam yugwi a-ţţ-yesebrek, i εerq a naru, leqlam i ḥeznen yeţţru, i snitra i cenun, lexyuḍ i ḥeznen la ţţrun, tameddit mi yuγaleγ γer tewṛiqt i di yurğğan, ţţnadiγ anda yafeγ imeslayen i di yeğğan, sawalγ-asen s-snitra, saεewẓegn, ugwin-iyi, iḍ felli tura ig bda, s-εawaz yegun-iyi, tawṛiqt tacebḥant tesbek, leqlam yugwi a-ţţ-yesebrek, aεwaz yiwiyi, isefra γunzan-iyi, d-uεwaz a nennaγ, isefra γunzananeγ, waqila fehmeγ tura tamsalt anida tεeweq, mi ruḥeγ ad bduγ tira, allaγ-iw ad i ṣeweq, yetṣewiq s-ayen it yebwin, i ḥulfa s-teḥjurt mi txuṣ, yewεer ma yehlek meskin yiwen seg ḍuḍan ufus, tawṛiqt tacebḥant tesbek, leqlam yugwi a-ţţ-yesebrek, iγeḍṛ-ik lḥal, a yimmi ig γunza wawal, iγeḍṛ-ik zman, arğğu ma d-ṣegmen wusan, kerγ ad fγeγ dayen, allaγ yegum a d-yinni, ull'aken εawdeγ daγen rziγ af tewriqt-nni, ufiγ degs segment tira kra id ḥkiγ, yersed fellas, amzun γer lxiḍ tcuba γef rsent tfirellas, tawṛiqt tacebḥant tecbek, s-leqlam tulliţţ tebrek, m-ig εerq a d-ninni, asefru ad aγ d-yesmekti, mi nruḥ a neţţu a d-aγ d-inebc usefru… Transcription : Icerfan |
#2
|
||||
|
||||
Amennuγ
Tafejrit tamezwarut d-as amenzu di dunit, si lebḥeṛ yeffeγ-d lḥut yufa-d iṭij iqubl-it, kulci γures d-amaynut yelḥeq-d gma-s yeţţwali-t, iberz γef gma-s yeγli yečča-t uqbel ad iṣuγ, ur ẓṛiγ-ara acimi, lamaεni asen i d-yebda umennuγ… i muqel lεebd iman-is yeswehmit wayen i wala, yesteqsay deg wallaγ-is sanda ig teddu ? ansi i d-yeka ? aken a-ţţ-yefru d ṛay-is aken ad iqabel azeka, i refd allen-is s-igenni yenna-yas : « yisek ar a lḥuγ » ur ẓṛiγ-ara acimi, lamaεni asen i d-yebda umennuγ… tekker-d tmurt γer tayeḍ tenna-yas : « ad imγureγ, akal-im ar di teğğeḍ mullac yidem ad naγeγ, iman-im ur tezmiṛeḍ si lsas ar a kem huddeγ, akal-im ilaq-iyi snaγ amek ar a tebnuγ » ur ẓṛiγ-ara acimi, lamaεni asen i d-yebda umennuγ… la ţţnadin af tsarut tabburt wuṛεad i ţţufin, ceγlen-d ma telhu tefsut nitni deg wegris γellin, wa yenna : « ţţḥebiren i lqut » wa yenna : « mebεid i ţţwalin », yuγal kul wa amek yeţţwali gerasen lefhama tluγ, ur ẓṛiγ-ara acimi, lamaεni asen i d-yebda umennuγ… baba-s aken i d-yelli immi-s mmi-s yuzel ad yaγ awal, iḥebs-it-id ccix-is yennayas : « aha uγal, innas i baba-k unḥis : mačči aka i teddunt temsal, ma di tcegεeḍ ciweṛ-iyi ma (a)d agwiγ naγ ad bγuγ » ur ẓṛiγ-ara acimi, lamaεni asen i d-yebda umennuγ… farqen leṛẓaq watmaten kul yiwen yelha waylla-s, yekker-d umeqṛan degsen γeṛ umecṭuḥ d ulemmas, « s-lεemṛ-iw ugwareγ-kwen lεemṛ-iw yesεa suma-s, ugwareγ-kwen di tmusni a kwen agwareγ d-acu a sεuγ » ur ẓṛiγ-ara acimi, lamaεni asen i d-yebda umennuγ… as m-ar a texlu dunit kullec ad yenger di lqaεa, ur d-teţţili tfejrit ṣuq n tudert yefra, sekra ig llan ullac-it amzun di leεmṛ ur d-yella, anegaru ma yeγli a d-yinni : « wif ar a rfuγ ? » ur ẓṛiγ-ara acimi, lamaεni asen ad yekfu umennuγ… Transcription : Icerfan Modif’s : le 30.12.10 |
#3
|
||||
|
||||
Serḥ i waman ad lḥun
Kul m’ar a nebγu a niḥfiḍ neţţruḥu nqeṣd lεeqal, s tmusni aγ d-bnun lḥiḍ yal aẓru rran-d degs awal, i lukan a nbedel lxiḍ a nruḥ a nqseḍ imeḥbal ? qṣeḍγ amehbul yibwas heggaγ si yal d-asteqsi, a yi-d-yeḥku (γe)f liḥlala-s ad isineγ amek ig ţţili, ad ẓeṛγ amek i tega niya-s dunit amek i ţţ-yeţţwali, yennad : "ayen ik id yebwin ak ti d-inniγ, isin-it, ad ak ti nefkeγ d-aεwin m’ur k-yaεğğib-ara, ğğit" atan umeḥbul meskin amek ig ţţwalli dunit, yemeslay-d γef zman atan amek i l-at yeẓeṛ… yeqeṛṣ uḥebas i zman yebda ukesar di laεmer, ma nebγa a nḥaz as deg usan ifat uqbel at nẓeṛ, i γawel wayen id yusan neţţu d-acu a d-nfeker, serḥ i waman ad lḥun, ur tezmireḍ a t-iḥbiseḍ usan yeţţεeddin, am rmel ger iḍuḍan, ur ţţγimin, ur ḥebesn, ur k-ţţrağğun serḥ i waman ad lḥun, ur ţţagwad lmut d wayen yuran, ur neddem (γe)f ayen it xedmeḍ d wayen yeḍṛan, ulla d-ayen i di teddun, serḥ i waman ad lḥun, twalliḍ lğğiha i cebḥen di dunit, tarreḍ-asen lqima i ṣebḥ akw tmedit mullac ak eğğen, ak ţţun, tceγbeγ teγwzi leεmer anwa ur nhedder fellas ? win d-iğğan d-acu a d-nfeker γas yemut yeţţidir kul as, di lebni n zman yeḥḍeṛ yeţţeki, yebna-d ayla-s, serḥ i waman ad lḥun, ur ţţagwad, eṭef abrid ur neţţwarkeḍ εeddi ansi ur εeddan, γli, at kreḍ, d-usan fellak ad cfun, serḥ i waman ad lḥun, anida kukrun wiyeḍ kečč ma t-qerbeḍ a t-ḥulfuḍ s wayen ur iḥulfa wayeḍ, llid abrid ţţrağğun, serḥ i waman ad lḥun, jaṛeb dunit, iḥfiḍ, tisineḍ iman-ik, ḍeger ayen n dir(i), tedemḍ ayen yebγa lxaṭer-ik, lqima-k ar d-as renun, lmut yecγebn lεeql-ik fellas aṭas i tγelṭeḍ, lemer at εiwḍeḍ leḥsab-ik ullaci-ţţ m’ar a-ţţ-tagwadeḍ, as m'ar a d-terzu s-yixef-ik ullac-ik ma ţţ-id-temlileḍ, serḥ i waman ad lḥun, ḥesb dunit amaken ur teţţmeţţateḍ, ma d-tas lmut ur k teẓer, ur ţţ-teẓaṛeḍ, wiyeḍ fellak ad ţţrun, serḥ i waman ad lḥun, lğğenet akw tmes anfasen i wiyeḍ, amen s-dunit, amen s-wayen twallaḍ, aken usan-ik ad ḥlun, serḥ i waman ad lḥun, imawlan n dunit d-widak yeddren, eğğ lmut d-ayla kan b-wid yemuten, anfasen yides ad lhun, serḥ i waman ad lḥun, ayen i εeddan anfas, iruḥ i εedda, ayen a d-yeḍrun, ğğit ur tesineḍ-ara, aken usan-ik ad lhun, di dunit, di yal lqum kul amahbul ad ak yinni, win yesεan taḥbult b-weγrum d-lεec i deg a yeddari, ma yella ur yeḥkim di ḥed aḥkim fellas ullaḥed, winna yeṣaweḍiţţ γer lḥed yuγal d-aqrib Rebbi, winna yesaweḍiţţ γer lḥed ḥesbit d-aqrib Rebbi, serḥ i waman ad lḥun, γurek ! arwel seg wigad ig ḥesben Rebbi d-ayla nsen, ur qebeln amek it neţţwali, γurek anida k ţţγurun ! serḥ i waman ad lḥun, tudert acḥal i tecbaḥ γas d-lfani, ma teğğiḍ-ţţ truḥ, tayeḍ ur d-teţţili, anef i wiyaḍ ad ḥkun, serḥ i waman ad lḥun, atan d-acu at awiḍ sγur umeḥbul, γas ma xuṣen imeslayen-is kan-d seg ul, m’ur k nfiεen, ur k ţţ-ḍurun, serḥ i waman ad lḥun… Transcription : Icerfan Modif' : 27.11.10 |
#4
|
||||
|
||||
I yebγa wul-iw
Ig bγa wul-iw ad yerr akin i wemnaṛ, ig bγa wul-iw ad iruḥ ad yenemṭaṛ, ig bγa wul-iw xas ad isbeεd amecwaṛ, ad ẓṛent wallen-iw ayen i deg ur bnin leṣwaṛ, ig bγa wul-iw… ig ugwi wul-iw ma yell’ leḥbas d-imnaṛen, ig ugwi wul-iw m-aγ ţţağğan yemγaṛen, ig ugwi wul-iw ma ten zwiren yelmeẓyen, ig ugwi wul-iw ma yeẓeṛ ţţejur yeţţγaṛen, ig ugwi wul-iw… ig bγa wul-iw ad ẓṛent wallen-iw i snat, ig bγa wul-iw ma yekkes ẓerb i tafat, ig bγa wul-iw ang’ iṛuḥ, lebγi-s yufat, ig bγa wul-iw ayen yelhan ur yeţţmeţţat, ig bγa wul-iw… ig ugwi wul-iw wig ğğaεlen yesen kulci, ig ugwi wul-iw win ur nesin asteqsi, ig ugwi wul-iw wig ẓaṛen mebla awali, ig ugwi wul-iw win yeẓṛan tideţţ ur ţţyenni, ig ugwi wul-iw… ig bγa wul-iw ad yemlil d yiman-is, ig bγa wul-iw ad yemyuzam d lxaṭer-is, ig bγa wul-iw ad yemsefham d rray-is, ig bγa wul-iw ad yer laεqel di lεeql-is, ig bγa wul-iw… ig ugwi wul-iw wid i εebden yir tismin, ig ugwi wul-iw wi εbedn tṣwab ur t-yesin, ig ugwi wul-iw wid wa γer wa ig ţţawin, ig ugwi wul-iw wid di lxir ur ţţlawin, ig ugwi wul-iw… ay bγant wallen-iw sekra wallint ad yecbeḥ, ig bγa wul-iw lekdeb ma t-iγeḍl ṣeḥ ig bγa wul-iw sekra b-win iḥeznen yefṛeḥ, ig bγa wul-iw a d-yef lehna g-ul ṣbeḥ, ig bγa wul-iw… ig ugwi wul-iw win yeţţhuddun ur yebni, ig ugwi wul-iw win i qellaεn ur yeẓi, ig ugwi wul-iw win i teddun ur yebγi, ig ugwi wul-iw wi bγan ad yeddu ur yeddi, ig ugwi wul-iw… ig bγa wul-iw ad yezhu akw d yerfiqen, ig bγa wul-iw ad i nezeh wi xaqen, ig bγa wul-iw ad ḥlun wid i laqen, ig bγa wul-iw imcumen ur tsewiqen, ig bγa wul-iw… ig ugwi wul-iw amzebni yides ad yeddu, ig ugwi wul-iw wi ţţafgen wer yeţţrusu, ig ugwi wul-iw wi heddern ur yeţţḥulfu, ig ugwi wul-iw wi ṛwan llaẓ ur s icefu, ig ugwi wul-iw… ig bγa wul-iw yebγa lehna a d-testeqsi, ig bγa wul-iw tiyersi i cudden a tefsi, ig bγa wul-iw yir tmes m-ar a texsi, ig bγa wul-iw yir alluy turğğa trusi, ig bγa wul-iw… ig ugwi wul-iw lbaṭel b-wid yetekkan, ig ugwi wul-iw lehmum ansi akw i d-kan, ig ugwi wul-iw tṣwab b-wid i ţţ-yexlan, yakw lebγi b-ul-iw iḍul a wi d-awen yeḥkan, a lebγi b-ul-iw… Transcription : Icerfan |
#5
|
||||
|
||||
Tagara n tezwert
Nruḥ nuγaled kif kif aγbel da, wayeḍ dihin, mi d-nenuda dwa-s i lḥif wayeḍ yeţţased a ten yisin, rbeḥ yuγal d-aγilif lexṣaṣ yegla-d s-tismin, d-aman is yeḥmel wasif win yeceḍn ar d-at-awin… awal yebdad d-awal kan yuγal yewzen d-asefru, ger watmaten-is yufa amkan yurğğa ṣut at yeselḥu, wi γers ad iεeddi kan wayeḍ as isel, ad as yecfu, wa ad yefhem ayen i d-yeskan ma d-w(in) ur nefhim, at yeserfu, tawriqt tacebḥant tesbek yak yeẓṛa win i-ţţ-yesnen, a ten i d-yinni ur yeẓṛi amek γas fella-s tezin, tenḍen, leqlam yugi ad iḥarek afus, d-allaγ it yurzen, ma d-win ten yuran yeslek a ten d-yefk i wid a yaḍnen, serḥ i w-aman ad lḥun tudert acḥal wezzilet, muqel γer wid i zehun id yeqaren : lmut yiwet, anfasen i wid yeţţrağğun ad yiḥnin nṣib s-uḥiwet, anfasen i wid yeţţargun ahat ţţar nsen d-lğğenet, amenuγ xas nugad-it neẓṛa mačči ad aγ yexḍu, kul wa yeqared dirit xas yezga yides i leḥu, aḥric umenuγ nebwit ur nezmir-ara at nenfu, kul ma (a)r a nenwu nγelb-it zεef at id yesnulfu, nruḥ nuγaled kif kif aγbel da, wayeḍ dihin, mi d-nenuda dwa-s i lḥif wayeḍ yeţţased a ten yisin, rbeḥ yuγal d-aγilif lexṣaṣ yegla-d s-tismin, d-aman is yeḥmel wasif win yeceḍn ar d-at-awin, xas yugwi wul naγ yebγa ulla i nesεa ger ifasen, xas yelha wayen nmenna d-acu ar at id yesasen, lehmum ur γ zgilen-ara neḍmaε kan ad ifsusen, a nqabel ma nzemr i kra mullac a nidir yisen… Transcription : Icerfan |
|
|