|
#1
|
||||
|
||||
A kwen i xdaε Ṛebbi
A kwen i xdaε Ṛebbi
Nesawl-asen i wid i εeddan i wid yemuten (γ)ef lḥerma-s, xas teččekti ur d-as d-slan yak widak yakw γaben yibwas, a yatma wi d-awen yemlan tamurt aεzizen i kwen yerḥan, a wen imel amek akw i ţţaran rrunt ulla d-tejur fellas, yeṛẓaţţ lfil i εeddan yeččaţţ gma-s is d-rnan, a ţţ-yenṭel win i ţţ-yurğğan yiwen ur d-asen iga tillas, mkul lεib a d-yeţţnulfu yak segwen i d-yebwi imγi, mi d-as nenna ar d-a-tefru ziγ asagi iγleb iḍeli, tamurt i teṛẓam, teţţrum, ur tjebṛ, ur tḥelu, ahat tesεa daεewsu fellawen ar a d-testeqsi, ibwas ma yehuzed waḍu neḍmaε yiswen a yeglu, akwen i fṛeḍ ar d-a-teṣfu naγ akwen i xdaε Ṛebbi… as maken i mi tebḍa sekra b-wargaz mi g da yenwa (γe)f t(i)lleli, ziγen γurwen thega lmeqsuḍ d-leqyada mačči d-arumi, as mi ţţḥuzam d-ayla nukwni ullac, kunwi yella tegam-as isem tura akwen i xdaε Ṛebbi… ajajiḥ as mi g εeda yeğğad tigujelt, tuğğla leğğraḥ d-immeṭi, win i ruḥen s-niya yeğğad axxam-is yexla tegwram-d akw kunwi, terram i caεb ṣṛima du naγ fek-d nekwa tegam-as isem « Lḥurya », akwen i xdaε Ṛebbi… tamurt tuγalawen d-ayla teččam-ţţ, aken i d-awen yehwa gerawen i d-teγli, γurwen kra tebγam yella yiwen ur yezmir a d-yinni : « ala » caεb yeţţwali, tebwim tamurt d-trika wi nṭeqn as tinni-m : « aka » teqaremaγ : « d-Ctiṛakya» akwen i xdaε Ṛebbi… i waken a-ţţ-teṭfem lebda tfaṛqem tamurt, tebḍa aγaṛb(i), aceṛqi, taεdawt-nneγ tennerna la tsmendagem isufa tezgam-d i tili, geranneγ neţţemεesa terramaγ wa yekat wa tennam-aγ : « Tadukli aka » akwen i xdaε Ṛebbi… asa, γas tuḍen aqaṛus γas aken mazal nxuṣ nerbeḥ-d aḍili, γas times-nni n-zik teţţnus yuγalaγ γer lğğerḥ lmus mi tellam kunwi, nukwni s-caεb amegḥus i k(r)a yeḍṛun yidenγ drus mazal nekatawen afus aγ yexdaε Ṛebbi… Transcription : Icerfan Modif’s : le 26.12.10 |
#2
|
||||
|
||||
Γurwat
Sεawaz ar d-yalli was teţţrağğuḍ asen a d-yaweḍ, as yekfan yebwid gma-s ur d-yus, ur tuyiṣeḍ, wi-k yesteqsan tenniḍ-as teẓṛiḍ abrid-is yenneḍ, as i deg ur tebniḍ fellas zdatek i t-id temlaleḍ, zdatek i t-id temlaleḍ wasenni turğğiḍ acḥal, mi turğğiḍ, teseḥsabeḍ ma d-yaweḍ a nbeden leḥwal, afud-nni if teţţekleḍ tekreḍ yuγaled d-ufal, yesrağğu-k m-ur teεlimeḍ telliḍ-d abrid i uḥemal, telliḍ-d abrid i uḥemal wis ma thegaḍ-d tiregwa ? ma tesenḍ-as yesεa azal sges wi fuden yeswa, ma tfehmḍ-as wer d-ifal … mullac ad yeker, yegal w-ad yeglu s-tejur neẓa... xas neqaritent negum a necfu, xas neţţaγitent cama tḥelu, neseḥsabasent ma d-ţţasent, xas ma nugwitent degsent nrennu, γurwat ad yilli a teḍru yidwen am ṭiṛ-nni γer lqebṣ it ḍegṛen, yebwḍed wasagi lqebṣ-is yelli mi g ruḥ ad yalli, kesn-as afriwen, xas neqaritent negum a necfu, xas neţţaγitent cama tḥelu, neseḥsabasent ma d-ţţasent, xas ma nugwitent degsent nrennu γurwat a teḍru am teqṣit-nni b-uzger ma yeεyu, lεebd at yawi, as yekes azeglu, at yawi at yezlu azger mi g tedu, yenwa γ(er) tlelli, xas neqaritent negum a necfu, xas neţţaγitent cama tḥelu, neseḥsabasent ma d-ţţasent, xas ma nugwitent degsent nrennu γurwat akwen arren a wid i teţţun d-asγaṛ ay walmen i lqanun d lkanun, lmal i ruḥen yis a t-id arren mi kfan a taṛẓen yis ad seḥmun, xas neqaritent negum a necfu, xas neţţaγitent cama tḥelu, neseḥsabasent ma d-ţţasent, xas ma nugwitent degsent nrennu γurek ad ak kelxen ma telliḍ d-argaz zik kul m-ak ewten, tiyita ak tḥaz, asa kes-d allen seg fus k-yeselfen muqel afus iḍen ma yeṭef aεekwaz, xas neqaritent negum a necfu, xas neţţaγitent cama tḥelu, neseḥsabasent ma d-ţţasent, xas ma nugwitent degsent nrennu nugwi a ner aḍaṛ am aken ur neẓṛi, mi nenwa nextaṛ, lmizan yeγli, mi nesla s lexbaṛ, neţţamen id yeqar, a nexṣeṛ meqaṛ, yak nuγ tanumi, xas neqaritent negum a necfu, xas neţţaγitent cama tḥelu, neseḥsabasent ma d-ţţasent, xas ma nugwitent degsent nrennu kulci neţţwallit negum a necfu mi nesruḥ talwit fellas a neţţru, neqar d-dunit naγ zher dir-it mi nεemd i twaγit fellas a necnu xas neqaritent negum a necfu, xas neţţaγitent cama tḥelu, neseḥsabasent ma d-ţţasent, xas ma nugwitent degsent nrennu... Transcription : Icerfan Modif’s : le 26.12.10 |
#3
|
||||
|
||||
Tamurt-nneγ
Zin-d fell-as mi luẓen wulleγman (γe)f i d-ţţεebin, γer tmenγi i γer id ţţasen siwa ullac i d-ţţawin, zin-d γres mi luẓen wulleγman (γe)f i d-ţţεebin, γer tmenγi i γer id ţţasen siwa ullac i d-ţţawin, γelben ajṛaḍ ma yawḍen neεma tenger yisen deg wakal if a εeddin, qarren-ak Rebbi yidsen nukwni neqar kan : wisen ma d-Rebbi i ten-id i ţţweṣin… di cetla nsen i tufan γer txeseṛt i d-ţţlalen, tazdayt n-ţţmaṛ ay sεan wisen alarmi ur ţţ-snegren, iṣuγ wallaγ seḥfan s-yir tamusni is fkan armi nγan degs asirem, tamurt d-ṭaṛbut yekfan sendin-ţţ-id mi ţţ-ččan ḍemεen a-ţţ-id teččarem, am ugeruj i-ţţ-ufan, naγ di lwert i sen d-usa, siwa nutni d-imawlan nekwni nerna-d s-ufella, megren, srewten, εeban, zenzen, ččuren ikufan, nebweḍ γer tegwniţţ am ta, tesaweḍmeγ a cifan neţţegririb di lkifan wid ur-teţţmager luḍa, lḥekm i sers akwersi γef lbaṭel ig teka, asmi i t-id-tebda tṛuẓi deg ḍaṛen ur d-igwri wara, lḥekm nsen la-ynegi iqeṛṣ iḍelli, asagi amek ara yilli uzeka ? d-lesnin n tizelgi, di tγanimt ur i-ţţ-εeddi amek ar a yeṣegem tura ? neţţnadi wid as yufan ixef-is anda ig ṣawaḍ, ma cuden-ţţ wid i-ţţ-ifran wi yesarmen, yezga yeţţγaḍ, a yat iεebaḍ yexwan m-ar a sen ḍekṛen lexwan axxam nsen d-asemaḍ, d-amγaṛ naγ d-lufan ur d-yegwri wi g stufan siwa wi llan di leγlaḍ, awah ! aken teţţγaḍeḍ a yaḥecad wer neṣiṛ, tegmiḍ ur teţţwaleqmeḍ siwa aḍu dgek yetṣefiṛ, ur teγṛiḍ, ur teseγṛeḍ ur tefhimeḍ, ur tẓeṛeḍ teḍemεeḍ di Rebbi ak yextir, lemer s-wenyir at kerzeḍ neγ s-tgwecrar at zerεeḍ tali yemγid kul lxir, neţţlummu f wiyaḍ bezaf ayen illan degneγ nefr-it, leγlaḍ-nneγ din at naf ur d-iţţεawad talalit, a nẓewṛ, a nḥerz ixulaf a d-imγi yiger, yufaf limer day nḥeber i tmedit, maεna iγelli-yaγ welqaf laεqel nezwar-as zεef a yas mi tṛeεd ur twit, ma nebna-d kra nhud-it armi ur d-aγ d-ifhem yiwen, lefnaṛ usirem ncaεl-it d-nekwni at id isensen, lweqt neker-as xas dir-it s-tirugza d tenṭaẓit armi i d-nreba ifasen, nenna-d aẓelmaḍ dir-it ma d-ayefus negwad-it nebγa ma cuden naγ aṛẓen… Transcription : Icerfan Modif’s : le 26.12.10 |
#4
|
||||
|
||||
Tagmatt
Anidaten ? neţţnaditen, a nesawal, neḥwağğiten, negred tiγri anda akw llan a d-as slen, mi d-tebweḍ tizi n-ṭiq anda llan a d-siwḍen, tiγri n-tegmaţţ ar d-as nesel di mkul amkan i deg a nilli, a nseγṛeṣ yakw snasel a d-ncerreg lebḥar d igenni, aẓaṛ yella yidneγ d-aṛfiq, eṭfet tisas, lembat γuṛwen, mi d-tebweḍ tizi n-ṭiq, aqlaγ γer yidis nwen… a yasa saεd, a yasa, ullac ig cban asa… nezga nleḥu mebla akukru zik naγ tura ur nkennu, ansi i d-teka taluft aken i d-teg, a-ţţ-nernu, yefkayeγ-d udrar-nneγ, ayen is nrefd aqaru, si zik ur yelli lxuf deg-nneγ mačči asagi a t-id-nesnulfu, yal tiyita teka sγurneγ nqubel si yal daεewsu, aberani yesla yisneγ siwa akw d-lhiba i nleḥu, lhiba b-wedrar-nneγ yeğğayaγ-ţţ-id a-ţţ-nesεu… a yasa saεd, a yasa, ullac ig cban asa… kul mi sawḍen γer lebγi nsen kul mi teḥla tdukli nsen a d-yas kra a yezraεn taεdawt ger-asen, neţţuγal ansi d-neka, nḥulfa s-tagmaţţ tuḍen, … lhem yekfa, wayeḍ a d-yellal anda niḍen, yir tamuγli fellaγ tezga aka i d-nann wid d-isawḍen, xas asagi mazal tella a nesebded widak yecḍen, i wayen ig εeddan necfa a ndawi tagmaţţ yuḍnen… a yasa saεd, a yasa, ullac ig cban asa… nella nuḍen, neḥla yiswen, nefreḥ, nerna, s-tdukli nwen, imi neẓṛa naṛẓa daεewsu i d-aγ yuwten, mi tεeda tizi n ṭiq a ndawi tagmaţţ yuḍnen, mi ţţ-id-nemger, wiyeḍ bwin neţţwakellex, si zik neẓrat, s-tegmaţţ kra b-wayen yemγin ma d-lqella n-tegmaţţ tenγet, asa tegmaţţ ur teţţceqiq imi neẓṛa ayen i d-aγ yuγen, mi tεedda tizi n-ṭiq a ndawi tagmaţţ yuḍnen… a yasa saεd, a yasa, ullac ig cban asa… Transcription : Icerfan Modif’s : le 26.12.10 |
#5
|
||||
|
||||
Imsebriden
Zlut tixsi arnut awren lembat γurwen… a d-nẓur, a n(e)lḥu tikli uẓeṛẓuṛ, a d-nḥuğğ, a n(e)lḥu tikli uferruğğ… a wigi ig teddun d-abrid a d-ẓuṛem naγ a d-tḥuğğem ? ur neţţẓuṛ, ur nesin tikli uẓeṛẓuṛ, ur neţţḥuğğ, ur nesin tikli ufeṛuğğ ! γurwat agris ma semḍ lḥal llaẓ yesefcal… ulac llaẓ, tawant deg ul i tella, i usemiḍ, nesεa times di ṣuṛa ! γurwat ṭlam tiziri tγas d-wagu yeṣεab… ur yelli ṭlam aγ imdeln allen naγ agu aγ i cuden iḍaṛen ! γurwat lehwa a d-iḥemmel aluḍ… a nεedi ! ma d-aluḍ, degs nerkeḍ ! ma d-lehwa, ur nell-ara d-lkaγeḍ ! γurwat tizi yekat wedfel abrid yergel… a nεedi ! ullac abrid i waεren ! naγ adfel, ur nfeţţi ger ifasen ! γurwat tiγilt atan lexyal a d-yeţţxatal… ma d-lεebd, a neglu yes, at nawi ! ma d-lweḥc, meqaṛ a t-neg d-imensi ! γurwat aεdaw yeţţrağğukwen s-ibeckiḍen… (γe)f lğğal-is, iḍ d was i d-nleḥu ! a negr-is, s-aqeṛu-s i d-nteddu ! Transcription : Icerfan Modif’s : le 26.12.10 |
|
|