#1
|
||||
|
||||
Arǧǧuyi
A yagu
Muqlent wallen anida a wallint aḥbib, ullac-iten, ur d-ţţawḍen ur qrib, anida-kwen ? sanda truḥem a wid ur nqebl-ara lεib ? ul-iw yugwi ad yamen belli tekfam, akwen i ţţnadi, yeţţaf-ik-wen di nemnam, anida-kwen ? sanga truḥem a wid i γeḍṛen wusan ? lweḥc* yezga, yuγal wul-iw d-axxam-is, γuri yufa akw ayen ig nuda wul-is, anida-kwen ? d-lferḥ-nwen is ar a yeğğ amkan-is, lweḥc yenna-k : "d-axxam-iw a yerγ ul-ik, tura zmerγ-ak, ala irfiqen i d-afriwen-ik, widak ruḥen, ullac-iten, anwa ar a yillin d-aεwin-ik ?" nfiγ aken yakw nfan, lamaεna sebba yiwet, gma mi s menneγ leḥsan, yeker-d γuri ad-iyi-wet, nfiγ ad bedelγ amkan, qim a gma kerz, serwet… ad nesmekti lğğil yeţţu, γef ḍar as mi nẓemḍ arkas, mi yeftel i waεdaw seksu, nek ftelγ-as-d aḥlalas, as mi tekfa daεewsu, γliγ daw laεnaya-s… laεnaya-k tecba ameṣmar, yerṣan di tesga, yeqim, nek ak d-ganniγ amnar, seg fus-ik ad eččγ alqim, si tasaft i d-giγ asγaṛ mačči d-targa uγanim… seg was mi baεdent wallen ur ctaqent immet’i, naγ urğğant wa d-iruḥen, xarṣum at i d-nesteqsi mačči d-kečč i d-iγaḍen, d-akal i seg i d-nefruri… a tiziri i d-idehnen tiγaltin, a tiziri… anida lliγ, anida bγun illin, a tiziri… a kem ţţwaliγ aken la kem i d-ţţwalin, a tiziri… urğğiγ lexber, yaεdel yiḍelli d wasa, urğğiγ lexber, yaεdel wasa d uzeka, urğğiγ lexber, am unebdu, am cetwa, urğğiγ lexber, ţţaεsaγ mkul lğğiha, yusa-d wagu yufayi-d, mi testeqaγ yenna-yi-d : a yamaγbun-iw… - ansi i d-tekiḍ a yagu, a yagu i d-yebwi waḍu ? - kiγ-d ansi d-truḥeḍ, sandaken ur teţţuγaleḍ a yamaγbun-iw… - d-acu i d-ẓṛiḍ a yagu, a yagu i d-yebwi waḍu ? - ẓṛiγ-d agad i tḥemleḍ, ur teţţεwadeḍ a tent zreḍ, a yamaγbun-iw… - d-acu i d-infan a yagu, a yagu i d-yebwi waḍu ? - seg was mi yemut baba-k, tbedel targit fell-ak, a yamaγbun-iw… - ma mazal gma yeḥkem, a yagu i d-yebwi waḍu ? - aḥkim ur nesεi-ara aḥkim, anwa yagwaden ad yeqim, a yamaγbun-iw… - mli-d ma yella lbaṭel, a yagu i d-yebwi waḍu ? - d-atmaten-ik it ixedmen, mi yaεyan degs at neṭlen, a yamaγbun-iw… - ihi yemut lbaṭel, a yagu i d-yebwi waḍu ? - d-atmaten-ik it ineṭlen, i la t-id-yesekfalen, a yamaγbun-iw… - sanga i d-truḥeḍ a yagu, a yagu i d-yebwi waḍu ? - cegεen-iyi-d watmaten-ik, i waken ak γumeγ iṭij-ik, a yamaγbun-iw… Transcription : Icerfan Modif' : le 27.11.10 |
#2
|
||||
|
||||
Iḍul sanga a nruḥ
A yiṭij ḥader a-ţţ-γliḍ a nleḥu nadam telliḍ, nugwad ad aγ d-yelḥeq yiḍ a yiḍul sanga a nruḥ, nsawel-ak-in ma tesliḍ neḥma, nugwad a nismiḍ, nesarem d-yid-nneγ telliḍ a yiḍul sanga a nruḥ… ḥman idamen i tikli γas aka ifadden-nneγ aεyan, neḍmeε tagmaţţ di lγaci ad neγsen seg ul wurfan, xas ma la nteddu ḥafi a netbeε later iγ d-ğğan, aken ad aγ d-lhun wusan a yiḍul sanga a nruḥ… a yiṭij ḥader a-ţţ-γliḍ a nleḥu nadam telliḍ, nugwad ad aγ d-yelḥeq yiḍ a yiḍul sanga a nruḥ, nsawel-ak-in ma tesliḍ neḥma, negwad a nismiḍ, nesarem d-yid-nneγ telliḍ a yiḍul sanga a nruḥ… tiγilt ig kfan felleγ a d-tban mazal tayeḍ, lweqt i ţţεeddi i εerqeγ i d-aγ d-icqan d-asiweḍ, laεqel ma yebda yefγeγ γas ma yeţţnuz a t-id-naγ a t-nernu qbel aγ yenneγ a yiḍul sanga a nruḥ… a yiṭij ḥader a-ţţ-γliḍ a nleḥu nadam telliḍ, nugwad ad aγ d-yelḥeq yiḍ a yiḍul sanga a nruḥ, nsawel-ak-in ma tesliḍ neḥma, negwad a nismiḍ, nesarem d-yid-nneγ telliḍ a yiḍul sanga a nruḥ… Transcription : Icerfan Modif’s : le 25.12.10 |
#3
|
||||
|
||||
Amcum
A wen i siwel wis ma d-arem awal ? ma tesusmem, macci d-lmuḥal… nann : di ṭiq i d-yeţţban werfiq ma yella d-uḥdiq, i εemed af cwal ? a wen i siwel yeẓra as d-teslem timesla tban, wis ma s d-terrem ? yuγal wergaz i ncuba γer lbaz, yeẓra aεekwaz iγil-it d-azrem… ufiγ-t-in yaεreq yixef-is i kcem deg cebak yeḥṣel, i t-iṣawḍen d-nnif-is yugwi ad yeknu zat del, as mi teslam i ṣut-is, a yiḥbiben-is, mkul wa anida yecγel… i qubel ayen iwm' ur yezmir yiγil yeteka, yeţţkel, yenwa tellam zdefir ma yeḥeṣl a wen d-isiwel, as mi teslam i ṣut-is, a yiḥbiben-is, mkul yiwen anida yerwel… i ruḥ iqubel times a d-isrewl i d-yeqimen, tεawnemt-id s-yiles ad iḥareb af ayla nwen, as mi teslam i ṣut-is, a yiḥbiben-is, mkul wa d-acu tin yeṭfen... tefkam-t γer zdat, iruḥ yiwen ur yelli γer tama-s, fellawen aεziz am ṛuḥ maεni tewεar lǧǧera-s, as mi teslam i ṣut-is, a yiḥbiben-is, lxuf teṣεab snesla-s… teţţxiḍim mbaεd aṣeγres d-lḥeq mi texdem(e)m aka, lukan di ternam γres wara yγelten tagara ? as mi teslam i ṣut-is, a yiḥbiben-is, tennam : ur yeḥṛic-ara… mi g-nedm, ifat-it lḥal i fehm ur yeḥric-ara, xas aken isakwid acḥal dayen if i thedrem tura, lemer a d-slem i ṣut-is, a yiḥbiben-is, ahaq ur teganem-ara… Transcription : Icerfan Modif' : 25.12.10 |
#4
|
||||
|
||||
Arğğu-yi
Laεca wis d-acu yeḍran s-umeğğed tadart teqla(ε) ? lγaci fγen-d s-izenqan tiziri tbed-d γef yeẓṛa, di tafat mi d-εeddan ayen aken i d-εeban yufrar-d nig iqerra... azeka-nni mi d-kreγ tiγri lεibad ur s-sliγ, ya(ε)ni neṭlenṭ ur ḥeḍṛeγ yilli di taddart i lliγ ? am (w)in is yennan : « ak ewteγ yerna ak galleγ ma tṣuγḍ ar d-ad-cektiγ !» ayen akw i nehder wisen ma d-yeḥdeṛ ? yefkat unebdu i lexrif, ma nniγ-am : « ṣbeṛ… » teẓriḍ ullayγer iḥfiḍ ṣebṛ n besif, ma nru, ma nehder, ma nṣuγ, ma neqbeṛ, ayen ẓayen ur d-iţţixfif, arğğu-yi, arğğu-yi… aka i d-nnan wid i d-isawlen : « d-lgira ig zwaren » arğğu-yi… arğğu ad am hedreγ fiḥel ma εaṭleγ teẓriḍ d-acu d-aγ yuγen, d-abrid ad ruḥeγ ayen iḍṛan qebleγ lexbar b-wa d-yuγalen, γer din ma yawḍeγ ad am d-ketbeγ am ḥkuγ i di yuγen, arğğu-yi, arğğu-yi… widak ig ţţḍebiren snulfan-iyi-d aεdawen… arğğu-yi… γer tmacint ulliγ d-irfiqen i n-ufiγ udem-iw am udmawen nsen, degsen ţţwaliγ γursen ţţcabiγ yiwen uεekkaz iγ yuwten, ma teγlim lliγ tellam ma r-aγliγ di lmeḥna-nneγ d-atmaten, arğğu-yi, arğğu-yi… cegeεn-iyi ad naγeγ wisen ahat ma d-uγaleγ… arğğu-yi… mi nebweḍ twenseγ deg waṭas yidneγ rεud mbεid i sen sel, mi bedlen, bedleγ, leḥwayğğ i kseγ rğğant ad i d-yerr wesfel, imiren ugwadeγ di dqayeq ḥeţţbeγ wa d-yuγalen ad a wen imel, arğğu-yi, arğğu-yi… s-azrar εaleqn-iyi isem-iw tamguḥelt ger ifasen-iw… arğğu-yi… teţţuγ-kem tikwal yeks-ikem wuzal yeks-ikem si ger wallen-iw, aγebar azal ur ḥwağğen awal wid ig tezin di lmux-iw, as yekfan mazal azeka a d-yuγal aεreqn-iyi leḥsab-iw, arğğu-yi, arğğu-yi… rmel s-yiṭij, yeḥma ikeml-as aṛṣaṣ yerγa… arğğu-yi… sliγ taqcict terna semi-yas : Lehna, ahat a t-lhu d-lfal, naεya di lgira d-amenuγ naṛwa mullac aγ d-irğğem wakal, neḥzen mi nenγa nefraḥ mi d-nugwra as nekes nuba-s i cwal, arğğu-yi, arğğu-yi… kul wa ad yuγal s-axxam-is aken ad iṣfeḍ leğğraḥ-is… arğğu-yi… Transcription : Icerfan Modif’s : 25.12.2010 |
|
|