#1
|
||||
|
||||
Lmeḥna
Icebwel lebḥeṛ-iw, illuγ,
yal as a-ttrağğuγ nnuba-w a d-teḥleli, leεyub deg-sen ttεummuγ gummeγ a ten mḥuγ ugwiγ-ten, bγan-iyi, siwa Ṛebbi iwumi ara ḥkuγ amer ad ḥluγ, ad erreγ i weεdaw tisfi... ayen yakw tezayzageḍ yettaweḍ-iyi-d lefwaṛ-is, qaren-iyi-d tendemmeḍ qarent t-ttezem iman-is, deg wegris mi d-it-ḍelqeḍ a lmeḥna… deg wegris mi d-it-ḍelqeḍ mi m-nnan tebweḍ lḥed-is, wideni mu tesmeḥseḍ d-nitni am d-ijaben ixf-is... tuγeḍ abrid ur d-uγaleḍ lğğerḥ-iw yesebw d-aqdim, ad yas was deg a termimzeḍ a d-am d-siwel tmurt-im, taddart amek a-tt-tqableḍ ? a lmeḥna… taddart amek a-tt-tqableḍ ? amek ara tnaqel timmi-m ? nek cukeγ ur di-d-ttafeḍ aken am sefḍeγ luxdayem-im... sḥesbeγ, qaseγ, ktaleγ, imal lmizan γurem, fkiγ laεhed mi kem uγeγ siwa ma teka-d sgem, ulla d-kem aken i γileγ, a lmeḥna… ulla d-kem aken i γileγ a nemyeksab aken ilzem, γef wecruf mi neqlabeγ yedegdeg yidi usirem... win a kem yaγen azeka d-udem-iw am d-ittban dges, mi d-duqesḍ si tnafa a d-afeḍ lxiq d-amwanes, steqsi win mu teḍṛa a lmeḥna… steqsi win mu teḍṛa ma d-ağğweḍ ṣbeṛ γures, nek aken jerebγ asa cukeγ-t a kem-id yesayes... ig llan deg iẓri at ruḍ ṭlam n-ndama a d-yeγli, taburt mi tt-teldiḍ, tettuḍ ma γer lber neγ lxali, ttemra-nni is tettzuxxuḍ ah a lmeḥna… ttemra-nni is tettzuxxuḍ am tt-iqecem webruri, a tt-jefleḍ, a tt-tthummuḍ abrid wer m d-ittban sani... Lounès Matoub Communion avec la patrie - Volume 2 - 1993 Transcription : Icerfan
__________________
Il ne reste même pas une mémoire intacte où se reposer des voyages. Tout a subi la déflagration du temps et les avaries du naufrage. Le temps est un inexorable percepteur, il prélève sur la vie les éléments les plus essentiels... T. Djaout |
|
|