#1
|
||||
|
||||
Inasen
Ruḥ a temẓi
Ṛuḥ a temẓi i cebḥen ma d-ttmektiγ, ttnadiγ abrid-im la tṣefḍ lğğarra-m, s-lbaεd isegwasen i kem i d-ttwaliγ, skud l-at ttbaεḍeḍ tettzad lqima-m, teseḥfeḍ-ḍ-iyi asirem xas ulliγ yidem asawen, asa d-acu i d-yeqimen ? siwa tirga-m… lemer i tzemreḍ a d-tuγaleḍ am mleγ ayen ur tesineḍ b-wid meqwṛen, ayen it zegleḍ if i tnedmeḍ am mleγ amek as tḥesbeḍ aken niḍen, lamaεna asagi tfateḍ deg wagu n-tirga tkecmeḍ ur nettaru, ur nṣefeḍ ayen iruḥen… Refrain ṛuḥ a temẓi i cebḥen ma d-ttmektiγ, … asa d-acu i d-yeqimen ? siwa tirga-m… asa mi ẓṛiγ d-acu yebγiγ ur s-zmireγ mi tettwaliγ imi tṛuḥeḍ, aεyiγ, ḥettbeγ, i ttεawedeγ, iεerqi leḥsab ttafeγ imi txuṣeḍ, lukan asen am asa a nfaṛeṣ mkul dqiqa ayen iγ i baεden nkukra ar d-at naweḍ Refrain ṭṣeṛifeγ-kem nebla axemem mi fhemγ lqima-m kfiγ-kem, tfateḍ-iyi, sekra yefsan i d-aγ yesan yebwit yides waḍu b-wusan nek yeğğa-yi, nudeγ-kem mi kem ḥwağğeγ ufiγ weḥdi i d-qimeγ almi d-as mi d-am faqeγ teğğiḍ-iyi, Refrain (an)wa γ i ferqen ? (an)wi γ i zemren ? aken i nhuz am yiwen deg yiwen n duḥ, nekred nesen, neḍṣa, neḥzen, aken i nedder am yiwen s-yiwen n ṛuḥ, nwiγ a tt-sεuγ lebda di lebγi naγ di tmara, ziγ am targit i tεedda ukwiγ-d truḥ... ṛuḥ a temẓi i cebḥen ma d-ttmektiγ, ttnadiγ abrid-im la tṣefḍ lğğarra-m, s-lbaεd isegwasen i kem i d-ttwaliγ, skud l-at ttbaεḍeḍ tettzad lqima-m, teseḥfeḍ-ḍ-iyi asirem xas ulliγ yidem asawen, asa d-acu i d-yeqimen ? siwa tirga-m… Transcription : Icerfan Modif’s : le 30.12.10 |
#2
|
||||
|
||||
Ad ruḥeγ
Asa yerzad felli lxiq d-lxiq d-izegwiren i ṛwaḥ, xas deg ul-iw d-iceqiq iban ubrid-is yeṛtaḥ, ẓay felli a d-awen inniγ wisen ma nεiwed a nemlil ? ameslay ziḍen, ur tufiγ, i demmaṛ i d-yerra lmil, teẓṛiḍ aken a yeẓṛiγ (γe)f ayen yelhan, ḥed ur yerwil, ṣwab deg ḍar i terriγ asagi abrid at yektil, γer deffir ayen akw ğğiγ kukreγ ad neqlabeγ, wisen yibwas ma d-ziγ ? wisen d-aγrib a neṭleγ ? ẓay felli a d-awen inniγ a tiγaltin d(eg) i nummeγ, ay asif i deg i ttγeniγ ur uγaleγ a d-ttaseγ, xas ma ruḥeγ, a d-tt-mektiγ cbaḥa b-wedrar-nneγ, ger wallen-iw a kwen ttawiγ ur tt-εawadeγ a kwen kseγ, tabburt n temẓi i yerriγ medleγ-tt γef ayen i εeddan, medleγ-tt γef ayen tt-menniγ eğğiγ-ten, yidi ur dan, ẓay felli a d-awen inniγ a kwen ğğeγ a wid d-iṛeban, tettwalim, aken ttwaliγ, si ṣebr ullawen akw bwan, ad ruḥeγ sanga ur ẓṛiγ ur d-cqiγ, ad awḍeγ kan, lxetyaṛ, wellah ur tesεiγ, d-Ṣin naγ d-Marikan, d-lesnin i d-as neqaṛ azeka cedda ar tifsus, kul-as yettzad uxeṣaṛ tarewla qebl a nimsus, ẓay felli a d-awen inniγ ad ruḥeγ ay imedukwal, tikwal akwen i d-ttmektiγ ma yeğğa-kwen-id uḥemmal, mačči d-zhu i la ttnadiγ, xas ma bγiγt iruḥ lḥal, xtaṛeγ ceḥna a ttεebiγ wala ad i nehren yeγwyal, ad ruḥeγ mebla asirem, ad ruḥeγ mebla immeṭi, ad ruḥeγ mebla axemem, alama εyiγ di tikli, ẓay felli a d-awen inniγ ad ruḥeγ a kwen ğğeγ arkweli, xas deg webrid-iw ẓṛiγ yal ugur yettrağğu-yi, γas kul ma kerγ ad γliγ γas lmuğğa ad i tawi, di lemḥayen a d-ttmektiγ asa ur yecbi iḍelli, ayen ig ttεebi wallaγ d-ayen ur ttεebint tuyat, lukan zehr i εerqeγ til(i) (γe)f ayen i nenuda nufat, ẓay felli a d-awen inniγ a wid yettrağğun talwit, akw yidwen wellah ur ttufiγ ur nettbedil dunit, deg sirem ur ttekiγ nsarem ṣbeḥ, tamedit, aka seg was mi d-cfiγ, laεmer d-aγ teğğa twaγit, a yiṭij i d-iceṛqen anda ad i d-tafeḍ azeka ? ma qimeγ ad cbuγ medden taεdel tudert d uẓeka, ẓay felli a d-awen inniγ a yiẓekwan a kwen ğğeγ, γef teblaḍin ttγimiγ, ur mazal ad qimeγ, mullac γurwen ččabiγ, wisen ma muteγ naγ dreγ ? d-acu lxilaf ttwaliγ ? kunwi teẓlem, nek beddeγ, d-awḥid i lliγ gerawen ur saεḍ ay bedlen felli, tennam as mi lliγ yidwen : « yella amzun wer yelli… », ẓay felli a d-awen inniγ a yirfiqen-iw a kwen ttuγ, waqila aken bγuγ illiγ tabratt ur tt-id-ttaruγ, ma yella d-rebḥ a yufiγ ulayγer a d-awen ḥkuγ, ma d-lexṣaṛa i deg ar a γliγ weḥdi kan ar a ttefruγ, ayen akw ig yeẓiḍen ur ten sin meqar teṛẓeg nenumitt, a nṣafer mebγir aεwin ur telli zyada nebwitt, ẓay felli a d-awen inniγ ma ğğiγ-kwen d-acu i xeṣṛeγ ? di lγweṛba ullac a yesεiγ ma gerawen, zgiγ xuṣeγ, ur yelli d-acu i ğğiγ a d-iγaḍ a teṣruḥeγ, gerawen d-acu i swiγ, ur znuzeγ, ur ttaγeγ, lḥila ay ketben tenγel, a d-nεemṛ anda niḍen, a ntebε anṣib, ma yerwel, d-akwesar naγ d-asawen, ẓay felli a d-awen inniγ ad ruḥeγ awen ğğeγ layas, ayla-w fellas ad nadiγ kunwi tettrağğum-t a d-yas, nek xtareγ ad steqsiγ ad ruḥeγ ad qelbeγ fellas, mi rwiγ laεtab yak ẓṛiγ, a t-id-magreγ yibwas… Transcription : Icerfan Modif’s : le 30.12.10 |
#3
|
||||
|
||||
Dir-iyi
Ziγ anecta i diriyi axir a telhum kunwi a wid yeţţṛuẓun seg ul, a widak (w)iγeṛ cubeγ ziγ anecta i diriyeγ lhan wid yeṛẓan lemtul, ma yell(a) ugwiγ a d-inniγ : « a Ṛebbi, resd, a nalliγ, axir-ik i sneγ, i ẓṛiγ ! » diriyi… ma tamacahuţţ tagi naγ yeţţmenγ lbaṭel, γef leğğwad teγlid tsusmi wer iseγ yezga ifetel, m- ur cniγ (γe)f wid yemuten ad zenzeγ iγsan nsen i waken ad rebḥeγ yisen, diriyi… aqelmun n ṣbeṛ nerrat nukwid ṣebḥ tbedel, ungifen a ţţhuzun tuyat uḥdiqen ţţawin del, ma lliγ seg wid yetṣeḍḥin yerran di lmizan limin s yir tamuγli i d-ţţwalin, diriyi… ufiγ lbaz d-ameṛẓu d-agerfiw i d-isewqen, ufiγ tizizwit teţţru d-aεṛeẓn i ţţ-id-yesufγen, ma ugwiγ ad ğğeγ axxam-iw m-ur nejleγ si tmurt-iw ma jgugleγ deg wakal-iw, diriyi… γuresn at lbaṭel axir γas aken tqubleḍ taswat, ak id-rren γer deffir kul ma tqeṛebḍ γer zdat, ma iγaḍ-iyi win yeţţrun, ma ḥemleγ wid i cefun, ma krheγ wid ţţ-ixellun, diriyi… di lbaṭel bwin-d iẓuṛan, mullac a t-id-snulfun, ngerd ẓeṛb b-urfan seg widak yekaten ţţrun, ma krheγ lbaṭel d lefsed, me krheγ lxedma n leḥsed, ma henneγ wi llan yerked, diriyi… a wid yeεbedn iẓekwan degsen teţţnadim tifrat, d lmut iwumi tgam amkan tudert tekesmas tafat, ma ugwiγ lmut d-iyi-buden, m-ur qbileγ a d-iyi-nγen, aken yesi ad srewten, diriyi… ma γef nyir-ik daεewsu γuṛsen d-argaz i telliḍ, i txidas ma tegiḍ usu γursen di lεez a -aliḍ, m-ur kateγ yakw yisent, m-ur cbiγ nbac tistent, m-ur cetleγ di tucent, diriyi… a bab n tegnwat γurek γef usan i d-ileḥun, wisen ma bxir a tsellek seg wid yekaten ur ferrun, ma zgiγ si lğğiha n lḥeq, ma rriγ tideţţ di lmenṭeq, ma bγiγ iṭij a d-yecṛeq, diriyi… Transcription : Icerfan Modif’s : le 30.12.10 |
|
|