#1
|
||||
|
||||
Imminig g-iḍ
Imminig g-iḍ
Ma tsenḍ abrid-ik ma teẓṛid sanga tleḥud, effeγ, erred taburt-ik ur teţţneqlabeḍ, ur teţţruḍ, di ṭlam ḥes i later-ik ṣut-nni as t-ḥulfuḍ, lweḥc g-iḍ d-arfiq-ik γelbit naγ a d-as teknuḍ, abrid is tumneḍ yibwas ak yeğğ naγ yisek ad yeglu, tesεa u tsεin d-aḥlalas tis miya l-ak tettrağğu a yimminig g-iḍ, ma tzegl-ik zedwa ma teğğak a dṣiwḍeḍ, inasen amek nella tudert-nneγ a sen ţţ-temleḍ, yiwet tgecrirt di lqaεa i la teţţrağğu tayeḍ, lweqt i ţţεedi ur neẓṛa ma d-tekker naγ ad d-a-ţţ-taweḍ, kečč, γurek a k-id yelḥaq was amer yisek ar ad yeglu tesεa u tesεin d-aḥlalas tis miya l-ak teţţrağğu a yimminig g-iḍ, ma tebweḍ-ḍ inasen inasen : ḥsebteţţ tektal, at Ṛebbi la d-sellen maεna ugwin a d-arren awal, mazal neţţrağğuten laεnaya nsen ma d-tuγal, alarmi γlin ifasen ifuk lğğehd i lecγwal, inasen : yehlek layas ma t-kemel aka a d-aγ yettu, tesεa u tesεin d-aḥlalas tis miya l-ak tettrağğu a yimminig g-iḍ, mi d-tneγṛ tṣebḥit tebwik zedwa teγliḍ, taṛeẓ tiγṛi n talwit ur sellen lexbaṛ tebwiḍ, tlulleḍ tamedit tudert-ik d-yiwen yiḍ, isem-ik ṭlam i jemεit temuteḍ iṭij ur teẓṛiḍ, teγliḍ mi g uli was teğğiḍ layas defir-ik, tesεa u tesεin d aḥlalas tis miya tegla yisek a yimminig g-iḍ… Transcription : Icerfan Modif’s : le 28.12.10
__________________
Il ne reste même pas une mémoire intacte où se reposer des voyages. Tout a subi la déflagration du temps et les avaries du naufrage. Le temps est un inexorable percepteur, il prélève sur la vie les éléments les plus essentiels... T. Djaout |
#2
|
||||
|
||||
A d-nuγal
A d-nuγal kullec at nettu bexlef wigad yemuten, kul segwas fellasen a nru ma sen nawi iğğeğğigen... ma nann-am medden : « yerwel ! » innas : « yelha d-yiman-is, ma yeqim, iruḥ d-asfel yiwen ur d-ismektay isem-is… », a d-nezi γurwen taluft a-tt-εedi am aḍu, ma neqim yidwen nugwad yisen-γ a teglu, am asa a d-nuγal ma neṭes kullec as necfu, mačči d-lmuḥal mi d-nukwi, kullec at nettu ma nann-am medden : « yerwel !», innas: « si lbaεd i d-yekat, ma yeqim, iruḥ d-asfel, tinnem-as : ka ig nuda, yufat… », a d-nezi γurwen taluft a-tt-εedi am aḍu, ma neqim yidwen nugwad yisenγ a teglu, am asa a d-nuγal ma neṭes kullec as necfu, mačči d-lmuḥal mi d-nukwi, kullec at nettu ur nettṛuẓu zdat wurfan ma texleḍ amzun teṣfa, ma nummen s dwa b-usan ahat ad yelhu uzeka, a d-nezi γurwen taluft a-tt-εedi am aḍu, ma neqim yidwen nugwad yisenγ a teglu, am asa a d-nuγal ma neṭes kullec as necfu, mačči d-lmuḥal mi d-nukwi, kullec at nettu a d-nuγal kullec at nettu bexlef wigad yemuten, kul segwas fellasen a nru ma sen nawi iğğeğğigen, a d-nezi γurwen taluft a-tt-εedi am aḍu, ma neqim yidwen nugwad yisenγ a teglu, am asa a d-nuγal ma neṭes kullec as necfu, mačči d-lmuḥal mi d-nukwi, kullec at nettu, mačči d-aγrum i kwen yebwin mačči d-jiḥ i kwen yuγen, teğğam tamurt i wid tt-yerwin teğğam lhem i wid s-i zemren, wa yeṛuḥ, yebwi tabalizt-is, wayeḍ, aḥlil, yeğğad arraw-is, wa d-sebba mebla ma yexaq, a yabarwaq, lḥal iḍaq, yusad lweqt a nemfaṛaq tament ullac wi tt-ikerhen tuqsa n-tzizwit d-akukru, afzim si tmes wa t-id-yeksen ? siwa afus i εemedn i wurγu, lwerd yelha mebla asenan tamurt tecbeḥ mebγiṛ urfan win i tt-yeğğan ḥesbit ifaq… a yabarwaq, lḥal iḍaq, yusad lweqt a nemfaṛaq wa yenna-yas : « nek ad ruḥeγ aεzizeγ, felli i tebna dunit ! », yeqaṛ : « ur tesinem, a wen mleγ !», yettfaṛaṣ rbeḥ di twaγit, tirugza ur teḥwağğ aεegeḍ m-ur tt-id-tebwiḍ ma d-tlaleḍ ur tettnuz-ara di leṣwaq, a yabarwaq, lḥal iḍaq, yusad lweqt a nemfaraq wa yenna-yas : « ad qimmeγ, imi tehlek ar d-a-tt-necfu… », wa yenna-yas : « nek ad ruḥeγ, a d-ziγ as m-ar a teḥlu… », anwa ig snen ? anwa ur nesin ? aya d-awal i t-id-yebwin, kul wa yeẓṛa amek i d-as ilaq… Transcription : Icerfan Modif’s : le 28.12.10
__________________
Il ne reste même pas une mémoire intacte où se reposer des voyages. Tout a subi la déflagration du temps et les avaries du naufrage. Le temps est un inexorable percepteur, il prélève sur la vie les éléments les plus essentiels... T. Djaout |
#3
|
||||
|
||||
Mmis umaziγ
Lbaz seg udrar yekerd ihuz afriwen yusad ar γurek ak i d-yesakwi, ad ak nisiwel s-yisem ak i d-yesekren awal tettuḍ ak t-id-ismekti, γas ma tettuḍ, la tettarguḍ, medlent wallen, a ten ti-d-telliḍ ma d-ak yinni : a mmi-s umaziγ iṭij-nneγ yulid, aṭas aya wer teẓṛiγ tura nuba-nneγ tezid… lḥu deg berdan ayen ak yeṣeγṛen tesεaṭ, ka tettwalliḍ, l-ak-id-yettwalli, azezu s-uǧǧeǧǧ-is awṛaγ twallaṭ di cbaḥa n tmurt-ik yetteki, m-ar a tεeddiḍ fellas a d-ak d-yiṭef tacḍaṭ ak yeḥlu, smuqel-it a d-ak yinni : a mmi-s umaziγ iṭij-nneγ yulid, aṭas aya wer teẓṛiγ tura nuba-nneγ tezid… γef tneqwlett, γef tzemurt acḥal d-asefru tajadit degsent i tettili, iḥfiḍ segsent γas ma mxalafent cfu duklent am asa, am yiḍelli, taciṭa uzemur ar γuṛek m-ar a d-teknu ḥesas aken ilha ma d-ak tinni : a mmi-s umaziγ iṭij-nneγ yulid, aṭas aya wer teẓṛiγ tura nuba-nneγ tezid… ma tfhemḍ, llid allen-ik, muqel s-idisan, a twaliḍ atma-k, ak i d-wallin, ahaw semlilet ifasen-ni faṛqen wusan, ma mlalen kul cedda ar ttefsin, abeḥri n-tegmatt ak wen d-iẓuṛ d-aḥlawan, a d-iglu s-ṣut a wen yinni : a tarwa umaziγ, iṭij-neγ yulid, aṭas aya wer teẓṛiγ, tura nuba-nneγ tezid… Transcription : Icerfan Modif’s : le 28.12.10
__________________
Il ne reste même pas une mémoire intacte où se reposer des voyages. Tout a subi la déflagration du temps et les avaries du naufrage. Le temps est un inexorable percepteur, il prélève sur la vie les éléments les plus essentiels... T. Djaout |
#4
|
||||
|
||||
Tarbaεt
Necna γef yitran, ziγ(e)n bεedn i tmuγli, necna γef tleli, ziγen tebεed am yitran, nẓeṛ ayen i lhan, γas ma yella di targit kan, wid iγ d-iwalan, kecmen di targit-nneγ, almi nuγal a ntettu ulla d-ayen nettargu, a yixf-i yaεyan, γas ru… fehmet lehna, ert-tt-id qebl ur tfat, teṛwam lebla, taṛwem-tt s-uεebi n tuytat, a yimγaṛen, ciwert-aγ-id temẓi nwen, init-d ayen d-azaglu iγ d-igwran narwat ? necna γef yitran, ziγ(e)n bεedn i tmuγli, necna γef tleli, ziγen tebεed am yitran, nẓeṛ ayen i lhan, γas ma yella di targit kan, wid iγ d-iwalan, kecmen di targit-nneγ, almi nuγal a ntettu ulla d-ayen nettargu, a yixf-i yaεyan, γas ru… ma bdiγ cna, asefru la d-isawal, laεqel yurğğa, i melmi lferḥ b-wawal ? kul nehta, a d-tmetel di tira, mi tt-id-nebda, a d-innin : mazal lḥal… necna γef yitran, ziγ(e)n bεedn i tmuγli, necna γef tleli, ziγen tebεed am yitran, nẓeṛ ayen i lhan, γas ma yella di targit kan, wid iγ d-iwalan, kecmen di targit-nneγ, almi nuγal a ntettu ulla d-ayen nettargu, a yixf-i yaεyan, γas ru… ẓiḍet tafat, a wen d-inin yilsawen, hegit taswaεt, is a tiẓiḍ i wallen, asen a ttwalim, tagara-nni deg a tilim, a d-as tinnim : acḥal i daγ ifaten… necna γef yitran, ziγ(e)n bεedn i tmuγli, necna γef tleli, ziγen tebεed am yitran, nẓeṛ ayen i lhan, γas ma yella di targit kan, wid iγ d-iwalan, kecmen di targit-nneγ, almi nuγal a ntettu ulla d-ayen nettargu, a yixf-i yaεyan, γas ru… di tirga nwen, jemεet tagmatt a tt-tesεum, a yungifen, feṛḍet-d amkan i wemcum, fekt-as tisas, a wen yuγal d-asalas, rehnet fellas, a tt-farḥem qebl a tt-ttrum, necna γef yitran, ziγ(e)n bεedn i tmuγli, necna γef tleli, ziγen tebεed am yitran, nẓeṛ ayen i lhan, γas ma yella di targit kan, wid iγ d-iwalan, kecmen di targit-nneγ, almi nuγal a ntettu ulla d-ayen nettargu, a yixf-i yaεyan, γas ru… lwiz n tsusmi, awal a t-id-taγeḍ yes, isin tizi, ḥader tawacḍa g-iles, a d-naγ awal, yerna ma nesn-as azal, a d-as tuγal tasusmi, d-ttalalt ines, necna γef yitran, ziγ(e)n bεedn i tmuγli, necna γef tleli, ziγen tebεed am yitran, nẓeṛ ayen i lhan, γas ma yella di targit kan, wid iγ d-iwalan, kecmen di targit-nneγ, almi nuγal a ntettu ulla d-ayen nettargu, a yixf-i yaεyan, γas ru… ru (γe)f tjadit, aken a tt-id-temektiḍ, bab n tnaṣlit, γzeln-as anda ur teẓṛiḍ, ḥeb(e)ṛ i tatut, b-wid i tettun lmut, qebl ak ifut, ik d-yenna wemγaṛr kedbit, necna γef yitran, ziγ(e)n bεedn i tmuγli, necna γef tleli, ziγen tebεed am yitran, nẓeṛ ayen i lhan, γas ma yella di targit kan, wid iγ d-iwalan, kecmen di targit-nneγ, almi nuγal a ntettu ulla d-ayen nettargu, a yixf-i yaεyan, γas ru… mi nhega aεwin i talwit, neğğatt tefeγ, mi d-aγ ttebwin, amkan-is iban yefreγ, neks-as azal, tura nettmeni a d-tuγal, yebwitt cwal, cwal a tt-id-yerr γuṛneγ, necna γef yitran, ziγ(e)n bεedn i tmuγli, necna γef tleli, ziγen tebεed am yitran, nẓeṛ ayen i lhan, γas ma yella di targit kan, wid iγ d-iwalan, kecmen di targit-nneγ, almi nuγal a ntettu ulla d-ayen nettargu, a yixf-i yaεyan, γas ru… tebḍa s-cwal, ayla wi bγan at yeḥeweṣ, ṛuḥ s wuzal, i m-aka dwa-s d-aseγres, kra ibγan lhem, bwin-d tayerza b-welγem, tirni a tt-yedhem, tayerz-as ar d-a-tt-yaεfes, necna γef yitran, ziγ(e)n bεedn i tmuγli, necna γef tleli, ziγen tebεed am yitran, nẓeṛ ayen i lhan, γas ma yella di targit kan, wid iγ d-iwalan, kecmen di targit-nneγ, almi nuγal a ntettu ulla d-ayen nettargu, a yixf-i yaεyan, γas ru… welh-as lqis, err-as i tmedurt lsas, refd-as idis, dayen if a yezi umeqyas, im ur yesin, abaεḍ ur huzent tismin, a d-as innin : yekes-d di tmedurt wayla-s... necna γef yitran, ziγ(e)n bεedn i tmuγli, necna γef tleli, ziγen tebεed am yitran, nẓeṛ ayen i lhan, γas ma yella di targit kan, wid iγ d-iwalan, kecmen di targit-nneγ, almi nuγal a ntettu ulla d-ayen nettargu, a yixf-i yaεyan, γas ru… Transcription : Icerfan Modif’s : le 28.12.10
__________________
Il ne reste même pas une mémoire intacte où se reposer des voyages. Tout a subi la déflagration du temps et les avaries du naufrage. Le temps est un inexorable percepteur, il prélève sur la vie les éléments les plus essentiels... T. Djaout |
#5
|
||||
|
||||
Sebba
Mi neṭqent Tirga, nnant-as : a nruḥ ak neğğ a yiḍes b-wid iwumi ig ṣfa w-ul, a nruḥ ak neğğ a yiḍes fellak lγiba-neγ a-tḍul, ur nezmir-ara i wuḍan b-wid yeţţammen cwal, ur nezmir-ara i wuḍan yeččuren times d wuzal, cwal i zedγ-asen iγes, lhem i zedγ-asen iles, sem i zedγ-asen awal… yenṭeq Usirem yenna : ad ruḥeγ akem ğğeγ a tamurt wallaγ nṣib-iw yekfa, sgem segrarbeγ takurt stebεeγ sanga terra, ur d-yegwri nṣib-iw γur wid yeţţṛebin taεdawt s-lsas, γur wid iwumi kesn lqid uγallen ţţnadin fellas, mi d-baneγ aken ad i yeẓṛen a d-kern ad iyaṛẓen ur cukeγ ad fehmen yibwas... tneṭqed Temẓi tenna : ad ruḥeγ ak ğğeγ a yaxxam di duḥ-iw tendi lmina, ad ruḥeγ ak ğğeγ a yaxxam taţţalt rran-ţţ d-snesla, ur sεiγ amkan γur wid igzemn i ṣebyan ṣut, ur sεiγ amkan γur wid ig bedlen tudert s lmut, ṛeḥma tγab fellasen nḥas yeγlid gerasen, bwint akw deg mur n lqut, ferqent akw deg mur n lqut... tenṭeq Taḍsa tenna-yas : ad ruḥeγ ad eğğ-γ udmawen d wullawen d-nummeγ, ad ruḥeγ ad ğğeγ imawen ur mazal a d-crurqeγ, ad ruḥeγ akwen ğğeγ s-allen mi ẓṛant bnadem ad yeγli, ad ruḥeγ akwen ğğeγ s-allen d-iţţaken aṛṣaṣ di tmuγli, ayen aken i nezhen asen mi zduklen taεdawt nsen yuγal tṣwab iwumi…. tenṭeq Lehna tenna-yas : ad ruḥeγ akem ğğeγ a tamurt siwa kem i d-iγaḍen, ḥemmeln-iyi am tsekurt cebḥeγ maεna ad iyeččen, ad ruḥeγ akem ğğeγ deg fus b-wid im yekesn azal, ad ruḥeγ akem ğğeγ deg fus yeţţhudun yeqar mazal, ad ruḥeγ akem ğğeγ γeṛsen ẓweṛ, zid fellasen, tareḍ-d ţţwab i w-awal… yenṭeq Laεqel yenna-yas : ad ruḥeγ akwen ğğeγ a lεeqal ţţiwallan qebl a d-teḍru, ad ruḥeγ ak ğğeγ a yakal i wencaf yezraεn aḍu, ur d-yegwri ṣwab i usiwel γer wid ţţiẓegn ur turiw, ur d-yegwri ṣwab i w-siwel segsen kseγ-d amur-iw, ur d-yegwri ṣwab ar γursen m-id txaḍ, a-ţţ-sγaṛṣen mi nedmen tebεan tili-w... Transcription : Icerfan Modif’s : le 28.12.10
__________________
Il ne reste même pas une mémoire intacte où se reposer des voyages. Tout a subi la déflagration du temps et les avaries du naufrage. Le temps est un inexorable percepteur, il prélève sur la vie les éléments les plus essentiels... T. Djaout |
#6
|
||||
|
||||
Tarewla
Sanda truḥmet a Tirga γer tmurt n targit, tegwademt a d-tuγalemt γer tmurt i krehn dunit, akwen t-cegeε Asirem niruḥ d laεnaya, akwen-t ikes imeṭawen ur d-aγ teţţegwimet-ara, ad akwen t-id-ner amkan, ad akwent iṣegem akw uḍan, ma ullac arẓagit wusan ur nezmir-ara… sanda truḥeḍ a yAsirem γer tmurt n targit, teţţagwadeḍ a d-tuγaleḍ γer tmurt i krehn dunit, ar d-ak ncgeεγ Temẓi ak t-inefked laεnaya, a-ţţ-twalliḍ, ak twalli, ur d-aγ teţţagwiḍ-ara, xas agwad deg-neγ Ṛebbi, xas ma tekrehḍeγ nekwni, zid γef wudem n Temẓi ur texdim-ara… sandaka truḥeḍ a Temẓi γer tmurt n targit, teţţagwiḍ a d-tuγaleḍ γer tmurt i krehn dunit, ad am ncegeε Taḍsa d laεnaya γurem a d-as, ferḥed deg udem-is kra γurem a d-txaqeḍ fellas, xas ur kem nesin-ara trebayaγ-d tmara, nebγa-kem i warrac asa a d-terreḍ layas… sanda kem rran a Taḍsa γer tmurt n targit, teţţagwadeḍ a d-tuγaleḍ γer tmurt i krehn dunit, a d-am ncegeε Lehna d laεnaya γurem a d-as, neẓṛa ma yidem tella γurneγ a d-teẓiḍ yibwas, neḥwağğikem, dgem dwa-s seg was mi truḥeḍ ur nezha, ma ullacikem, ixuṣ kra kulci d-amesas... sandaka truḥeḍ a Lehna γer tmurt n targit, teţţagwadeḍ a d-tuγalleḍ γer tmurt i krehn dunit, ar d-am ncegeε Laεqel d laεnaya γurem a nyas, ahat ma d-am yisiwel fellaγ a d-terẓuḍ yibwas nebγa γurneγ a-ţţ-iliḍ deg ul aṭas i teswiḍ, ur ţţεanad akw wiyeḍ iwumi g ruḥ lsas... ansi i d-tusiḍ a rehba si tmurt n targit, tbedleḍ kan ṣifa ma d-udem-im aqdim nesnit, immeṭi a d-yerr nehta zgan teddun yidem, nesnikem mačči b-wasa lweqt ihuzeγ yisem, tesagwdeḍ Laεqel yenfa, tegwadeḍ a d-yawi Lehna, tesrewleḍ Temẓi, Taḍṣa, ddan d-Usirem… Transcription : Icerfan Modif’s : le 28.12.10
__________________
Il ne reste même pas une mémoire intacte où se reposer des voyages. Tout a subi la déflagration du temps et les avaries du naufrage. Le temps est un inexorable percepteur, il prélève sur la vie les éléments les plus essentiels... T. Djaout |
|
|