|
Chansons completes postez vos chansons (transcriptions) |
|
Outils de la discussion | Modes d'affichage |
#1
|
|||
|
|||
Farid Ferragui - Textes entiers
Mazal telliḍ
D-aṭan aqdim iyi snen yak mačči d-ajdid, urfan-is as mi fran ğğan-d dgi lεib, γas fellas εeddan wusan yuqel-iyi amzun d-aḥbib… deg ul-iw mazal telliḍ kem wis ma tecfiḍ ? aṭas aya εeddan laεwam, mazal-iyi aken i d-ğğiḍ kem wis ma teḥsiḍ ? mazal a-ţţ-nadiγ fellam, a yaggur ţţru yidi εawen-iyi deg meṭi ur ţţγab, ur di ţţkemil, ţţxilek, qim wanes-iyi ur ţţağğa weḥdi lweḥc yeγlid f leḥn-iw, sawel i yiḍes a d-yas γuri innas ţţxilek awiyi γer targgit ad a nemlal, deg ul-iw mazal telliḍ kem wis ma tecfiḍ ? aṭas aya εeddan laεwam… a yiḍes aqli uyseγ arwaḥ yisek ul ad yertaḥ acḥal aya teğğiḍ-iyi, a targgit uqel d-ṣaḥ ur d-ţţara sbaḥ yesarwalen udem-is felli, anfaγ deg sin a nmereḥ ţţilex ur d-ţţara ṣbaḥ naγ a nemet ur d-neţţakwi, deg ul-iw mazal telliḍ kem wis ma tecfiḍ ? aṭas aya εeddan laεwam… ma yella muteγ nṭelt-iyi di lqerb ayi twali γef luwhi b-uxxam ma d-ḍal, ma tesalim taγuzi weklγawen rebbi sawelt-as ayi-d-er akal, γef ẓeka-w aru-t « tayri » ur teţţut amkan-nni d wasen-nni deg i nemlal, γef ẓeka-w aru-t « tayri » mazal ḥemmleγ-ţţ tenγayi xas aka aqli daw wakal, amkan-nni anda ayi-tneṭlem γas erret-as isem semmit-as “agwni n tayri”, a d-yas was anda at ẓuren widen yeţţuwten s-tyita i yedmen nekki, ad yilli win a yeḍsen as yinni : “d-imeslayen seg maken ad iγenni” win mačči seg wid i tmeḥnen ur yelli seg widen i εacen win ur iḥemmel, ur yeẓri, ala winaken i jerben winna kan ad i fehmen ma yesla, yeţţru yidi, ala winaken i jerben d-neţţa kan ad i fehmen ma yesla yeţţru yidi… Dernière modification par Icerfan 08/06/2011 à 16h50 |
#2
|
||||
|
||||
A yiḍ
A win yeznuzen lğğawi di tγawsa ṣṛiyi wisen γurek ma d-att-affeγ ? nnan teẓnuẓuḍ tayri creḍ kan awi xas γlayet, ar d-ak xelṣeγ… yennak : yettmmudutt Ṛebbi mačči d-neki, ur d-a-tt-yeznuzu uεeṭaṛ… a yiḍ, aqli gwriγ-d weḥdi g lexyal-is akw d-ṛay-iw, a yiḍ, aqli gwriγ-d weḥdi la tezmeγ deg iman-iw, a yiḍ, aka i tṛuḥ dunit-iw… a yiḍ, yenγayi ṭlam-ik mreḥba terẓiḍ-d s-axam-iw, s-tebrek teṛiḍ alḥaf-ik t-ḍeqṛeṭid γef allen-iw, s-tebrek teriḍ alḥaf-ik tfesṛeṭ-id γef allen-iw, tebwiḍ-d rehba lweḥc-ik t-ḍeqṛeṭid γer wul-iw, yeγlid felli ttexmam-ik tesmektaḍ-tt-id i lxaṭeṛ-iw, a yiḍ, aka i tṛuḥ dunit-iw… axxam yeqwel am tmeqbeṛt s-tmara kan i d-ak keččmeγ, ttwaliγ-tt di kul tiγmeṛt d-lexyal-is andi muqleγ, ttmektiγ-d ayen akw ig εeddan ttmektiγ-d ayen i d-i-tt-ḥemleγ, a yiḍ, sagwadni(yi) wusan ugwdeγ d-awḥid ar a mteγ, a yiḍ, aka i tṛuḥ dunit-iw… a yiḍ, as maken i tella ṭlam-ik ur di keččem, s-umellil tafat tezga lweḥc-ik ur γ-di sawam, taguni s-tmucuha lhem nenγat s-usirem, taguni s-tmucuha lhem nenγat s-usirem, a yiḍ, wisen amek i tella ? ma am nek naγ tbidel udem ? a yiḍ, aka i tṛuḥ dunit-iw… lemer ak d-inniγ ig llan ur cukteγ ar di tamneḍ, tinnaken i d-ak yerḥan attan γur lebγi-s tebweḍ, kečč kan mu zzin wurfan ma d-nek seg wid tetweḥceḍ, am nek i d-ğğan yitran qim kan d-aḥbib tesusmeḍ, d-daεewsu tḥuzaḍ qim kan s-tayri-k ar d-att-xelṣeḍ, d-daεwa tḥuzaḍ qim kan s-terzmert ar d-att-xelṣed, d-daεwa tḥuzaḍ qim kan s-wul-ik ar d-att-xelṣeḍ… Transcription : Icerfan |
#3
|
||||
|
||||
Ay nudeγ
(Yasmina) Σafiγ-ak, teskaweḍ-iyi, i ḥnet yiles s-wayes i gul yak mazal iγed (n) tayri… begn-iyi-d ma tḥemelḍ-iyi as erraγ lexbar i wul aken ad yethenni… ay nudeγ deg meslayen acḥal εawdeγ d-asefru, εawzeγ uḍan γezzifen ulla d-iḍ yidi yettru, ur ufiγ ayen a d-yemetlen leḥmala-m d-daεewsu… acḥal i s-εawdeγ lḥen kul iḍ d-aεawed, nrenu, lmusiqa tin ḥlawen wis(en) tayri ma d-a-tt-necnu ? ay sefreγ s-imeṭawen … n-tidett a-tt-narru, ur yedbin tidett niḍen tidett tεad d-asefru, ay nudeγ deg meslayen acḥal εawdeγ d-asefru, εawzeγ uḍan γezzifen ulla d-iḍ yidi yettru, ur ufiγ ayen a d-yemetlen leḥmala-m d-daεewsu… isegwasen xas εeddan xas g-udem ğğan-d lmarat, ḥṣu ur yibedlen wusan tayri-m tezwer γer zdat, ayen akw a yuzlen waman s-waḍu, rεud, adfel yekat, ur tḥarek, tefka iẓuran tuγ tasa, ma d-ul teččat… ay nudeγ deg meslayen, ay nudeγ deg meslayen acḥal εawdeγ d-asefru, εawzeγ uḍan γezzifen ulla d-iḍ yidi yettru, ur ufiγ ayen a d-yemetlen leḥmala-m d-daεewsu… cubeγ tayri-m di melken γer tefsut d-iğğeğğigen, n(a)γ ayen a-tt-id-imetlen tayri tiṭ d imeṭawen, n(a)γ ayen a-tt-id-imetlen ttayri b-ul s-idamen, ullac win a kem iḥemlen s-nig kem ḥemleγ dayen, ttayri n iderwicen ur sinen yimdanen, ullac win a kem iḥemlen s-nig kem ḥemleγ dayen, ttayri b-win yidrewcen tin ur εacen yemdanen, ullac win a kem iḥemlen s-nig kem ḥemleγ dayen, ttayri n iderwicen ur sinen yimdanen... Transcription : Tasusmi |
#4
|
||||
|
||||
Ayen akw a yebdiγ ḥemleγ-t
Ayen akw a yebdiγ ḥemleγ-t rriγ-t γ lǧǧiha, ayen akw a yebdiγ, selmeγ-t ḍeqṛeγ-t wisen anda ? yisem dunit-iw ḥebseγ-tt tebweḍ γer tagara… am derγel, tbεeγ abrid-im ur steqseγ sanda ig ttawi, am grud ṭefγ afus-im ṭafaṛeγ ur m-dniγ : sani ? terrayi tayri-m d-abhim xas ẓuγeṛ-iyi, tegaṛeḍ-i leḥfa s-idmim ur tegwadeḍ Rebbi, ansi d-kseγ aḍar yeqim tεegebḍ-iyi… ayen akw a yebdiγ ḥemleγ-t rriγ-t γ lǧǧiha, ayen akw a yebdiγ, selmeγ-t ḍeqṛeγ-t wisen anda ? yisem dunit-iw ḥebseγ-tt tebweḍ γer tagara… lemer i ḥesγ i medukal nann-i : « beεd-as xira-ak, ur ttettamen, ur tesε awal, ur ttεeṭil yides nniya-k… » wis a xemmeγ ? wur sεiγ laεqel xas bγiγ slak, turez-iyi ul-iw, γures yettwakber teṭef-iyi am bu-barek… ayen akw a yebdiγ ḥemleγ-t rriγ-t γ lǧǧiha, ayen akw a yebdiγ, selmeγ-t ḍeqṛeγ-t wisen anda ? yisem dunit-iw ḥebseγ-tt tebweḍ γer tagara… ayen i d-id-ǧǧa tayri-m siwa aṭan yetbeε temẓi-w, ayen i d-rebḥeγ di tmsuni-m d-daεewsu g talwit-iw, af ṣγeṛ ur nettleqim teγliḍ-d a tayri-w, kra di yurzen γurem fsi aruz-iw, kra di cuden ar γurem fsi aruz-iw… ayen akw a yebdiγ ḥemleγ-t rriγ-t γ lǧǧiha, ayen akw a yebdiγ, selmeγ-t ḍeqṛeγ-t wisen anda ? yisem dunit-iw ḥebseγ-tt tebweḍ γer tagara… Transcription : Icerfan |
#5
|
||||
|
||||
Win d-iyi-fehmen
Yiwen was yecban usan tiṣebḥit udreγ s-asif γileγ at afeγ am ig εeddan ziγ kfan sges waman yegwrad ţţagwniţţ i lḥif win d-iyi-fahmen yeţţru yeqar-as aḥlil meskin, lehlak-iw yugwi ad yeḥlu la ţţεaceγ dima d-uḥzin, ṭlam yegum ad yekfu yaεma allen-iw a yaḥnin, di lemnam dima ţţarguγ ṭlam lebda yeγum-iyi, caεleγ taftilt ar temḥuγ yuwted waḍu texsiyi, anef-iyi a gma ad ruγ balak dwa-w d-immeṭi, f zehr-iw ad sefruγ balak a d-yuγal γuri, win d-iyi-fahmen yeţţru... aqliyin cbiγ ṭir yerẓa uṣegaḍ afriwen-is, s-duw tejra yeţţmeṭir sufella llan warraw-is, ad yeferfer ur yezmir yeţţwalli kan s-wallen-is, a ten yeğğ yenγat lḥir yeṣber yerğğa lmektub-is, win d-iyi-fahmen yeţţru... aqliyi cbiγ amsafer inuda abrid ur t-yufi, di tmura yerwa amenḍer ur yufi anisi ay εeddi, asemiḍ, laεra, cer, ekkes asawen ur yulli, yuγal yemlil tiqenṭert mi g ruḥ ad yezger teγli, win d-iyi-fahmen yeţţru... aqli am win yebwi wasif γer tmurt ur sineγ, i jebd dgi, yetseḥib ur ẓriγ anda ar awḍeγ, mlaleγ-d lğğedr γer rrif ferḥeγ, niγas selkeγ, ẓleγ-d afus γures a d-alliγ tqelεed seg ẓar γerqeγ, win d-iyi-fahmen yeţţru... Transcription : Icerfan |
#6
|
||||
|
||||
Taqṣit n lḥub-iw
Acuγer a Ṛebbi, acuγer i tḥermeḍ seg wayen bγiγ ? acuγer a rebbi, acuγer i turiḍ yides ur ţţεiciγ ? acuγer a rebbi, acuγer zher di lḥub ur tesεiγ ? tura s-idamen b-ul-iw taqṣit yijarden tewεer, tura s-immeṭi b-wallen-iw af twarqeţţ leḥzen, teţţγaḍ, aka ar a εaceγ lḥub-iw aka ur tẓareγ, ur d-iyi-ẓeṛ yebwiyi yiḍes ţţarguγ afaγ-d iman-iw weḥdi, mlaleγ lexyal f icennuγ yekati yides tmuγli, niγas : “ εawen-iyi ar k ţţuγ ” neţţa yequbl-iyi-d s-immeṭi, a lexyal berka immeṭi… a lexyal berka immeṭi ur di ţţkemil lhem-ik, ma yella ğğan-k am nekkini aqlik tufiḍ-d lmetl-ik, ulla d-nek aqli weḥdi ata ayi tesεuḍ d-amwanes-ik, a lexyal berka immeṭi… a lexyal win mu hedreγ a win ig cuban γures, tcubaḍ γer way ḥemmleγ amer kečč seg damen ines, ma d-kečč i yiğğan ḥerqeγ ţţxilek, ţxilek iniyid tideţţ, a lexyal uwma hedreγ… a lexyal ur di ţţεetib naεtabeγ a targgit aṭas, ma d-kečč if i rwiγ lḥif i ţţargguγ am yiḍ, am as, yufeg, yufeg i zegr i wasif ata ṣut-is yeqar-as : “ aka alama d-cib aka ar at mteḍ s-lmeḥnas... ” aka, aka alama d-cib, aka ar a mteγ di lmeḥna-s, aka i d-a-ţţ-yura Ṛebbi… ţţargit i d-yesfahmen di tnafa deg iḍ mi ṭṣeγ, tesefra ig ṣaren d wayen akw i d-as ḍelbeγ, lexyal, lexyal, lexyal-nni di hedren a ziγ, a ziγ d-lḥub-iw id mlaleγ, atan, atan seg wid yerewlen aka, aka di lmeḥnas a mteγ… Transcription : Icerfan |
#7
|
||||
|
||||
Teḍṛa yidi
D-ttidett, ul dayen yuγitent s-ẓuṛ ig ttwet, wis(en) ma yuqwel ay refd iman-is ? a yemma… wisen wi tt-idεan aka ? aḥlil, am jeqduṛ yareẓ, a d-jemeεγ dges yella leṣqeγ deg ceqfan-is… a yemma… ceṛ ur texdimeγ-ara… ḥuseγ i lweswas di ṣura-w tazmart-iw tebda tγelli, wusreγ, tbedel ṣifa-w u nek di lwerd n-temẓi, yewεer wi cben di lḥala-w win yedεan, yedεu yisi… yewεer wi cben di lḥala-w, win yedεan, yedεu yisi… teḍṛa yidi a yemma am ẓerẓuṛ ḥuzen iṣeḍṛa, yettwaṭef ur yebni (γe)f tyita mi g ṛuḥ ad yebeg (γ)ef εeqa, aḥlil meskin d-nniya yenwa ur txedε neεma, tacerkett deg irri-nes netta yettrağğu ṛeḥma d-lmus a d-berden γuṛes naγ ad ijaf di lqaεa aka i teḍṛa yidi a yemma am ẓerẓur huzen iṣeḍṛa… tedṛa yidi a yemma am fṛux yufgen deg iḍ, ur yeris γ(er) lqaεa lεec-is ur t-yebwid, ur yeεlim anda yella ur yefṛiẓ, yettεegiḍ, yiwen ur s-d-yesl-ara, weḥdes kan i uṣemiḍ, i wegris ig nsa, yettrağğu ṣbeḥ, yettγiḍ, i wegris ig nsa, wisen ma d-yeṣbeḥ, yettγiḍ, teḍṛa yidi a yemma, am fṛux yufgen deg iḍ... teḍṛa yidi a yemma am εejmi yaṛẓen deg ḍaṛ, yetabaε deg watmaten-is netta yebεed γef uqḍaε, taččukett deg dis ines ṣuṛa-s t-dub am meṣmaṛ, yettru, yettmekt-id zik-nni as mi ttuγit di lxetyaṛ, ay g krez, ay-g-sarwet εegu ur t-yeṛḍim laεmeṛ… teḍṛa yidi a yema am εejmi di ğğa (?) teḍṛa yidi a yema wisen wi tt-yedεan s cer ? Transcription : Icerfan |
#8
|
||||
|
||||
Mazal tura
Neğğakem, ur nuksan-ara, nuqwled γurem, mačči d-lḥala, ugwdeγ a yaḥbib a-tt-ṛewleḍ d-ayen iwumi ur tṣebeṛḍ-ara, eker a yaγṛib ma tt-uqwled lγweṛba mazal-tt tura, eker a yaγṛib ma tt-ruwleḍ deg wenyir-ik mazal tura, nefṛeḥ nerwel-d i tlufa, naεya di tmura medden, nesarm ma nethenna kra, di tmurt lejdud aεzizen, nebwḍe-d mačči d-lḥala, yuqwleγ ukwesar d-asawen, wellah ma tefhemḍ kra, nleḥu am iderwicen, sewḥacen iberdan marra, ig ḍaεen deg ilmezẓyen, tγab (γe)f wuglan taḍsa, suwḥacen wudmawen nsen, neğğakem, ur nuksan-ara, nuqwled (γuṛem), mačči d-lḥala, ugwdeγ a yaḥbib a-tt-ṛewleḍ d-ayen iwumi ur tṣebeṛḍ-ara, ugwdeγ a yaγṛib a-tt-ṛewleḍ lγweṛba mazal-tt tura, ugwdeγ a yaḥbib a tt-uqleḍ deg wenyir-ik mazal tura, lhem γer wusu i d-yezwer, lehna teffeγ taguni, lweḥc d-urfan id yexter, yerra-d felleγ taduli, wisen anida nεac, nḥer, anida neda terwi, am yefṛax u bu εemmer, ... axxam ur γ-d-iban laεmeṛ, mačči ttamεict a Rebbi, neğğakem ur nuksan-ara, nuqwled γurem mačči d-lḥala, eker a yaγṛib ma tt-uqwled lγweṛba mazal-tt tura, cukteγ a yaḥbib a tt-uqwled deg qaṛu mazal-tt tura, axxam (γe)f acḥal i tεetbeḍ, s-lfeṛḥ i s-d-γziḍ lsas, tsermeḍ ma yella tzewğğeḍ, s-lwerd as d-ziḍ tillas, ugwdeγ ma yeffak ar teğğeḍ, wisen ma (a) tzedγeṭ yiwen was ? deg iḍ i gwadeγ a-tt-rewleḍ, leğğim wemεic, d-amesas, mačči d-ayen ar a tṣebṛeḍ, ṣbeṛ mačči d-yiwen was, ugwdeγ d-aγṛib ar temteḍ, mreḥba a lγweṛba tis snat… ugwdeγ d-aγṛib ar temteḍ, mreḥba a lγweṛba tis snat… Transcription : Icerfan |
#9
|
||||
|
||||
Kul abrid
Kul abrid ay ṭfeγ ad i d-yemeger usmekti, kul abrid ay ṭfeγ usan-nni qεedn akenni, yal taddart ansi εedeγ yal tamkant anda rtaḥeγ yal tama sanda muqleγ yella kra a yi-d-yesmekti, tamdint mi εedeγ muqleγ tesewḥac mačči am zik-nni… uh a yabrid n Tegzirt yettawin γer Uẓẓefun tesmektaḍ-iyi-d tafejrit abeḥri n-At Wagennun mekteγ-d asen taṣebḥit mi d-nṣub aken deg sin nεum felleγ teγli-d tmedit teḍrayeγ am aken i targit iṭij yeḍwa-d Iflisen γef lebḥer yersed, i εenqit dges ay zedr, i keččmit i εecqit, yefud am aken saεedeγ-k s-tergigit wi ẓran rehba tεemṛit ulla d-iṣegaḍen ur tt-keččmen... a yabrid n Wad Σisi yettawin s-Iεeẓugen d-ṣxeḍ usigna asenni At Jenad, At Iğğeretren d-ṣxeḍ usigna asenni Meqla, Lğğmεa swagu γumen adfel yebdad At Yenni At Σisi, Micli, At Iraten ṣiγ-d akw Igawawen ur nfaq s-yiḍ mi-d-yeγli nebweḍ γer ljawyeh Imenser Tamguṭ, nensa deg Σekuren γurek asa ziγ-d aql-iyi tiẓgi-k tzedγi-tt tigwdi d ibekan d wucanen... a yabrid n-Taxuxt yettawin s-Iwaḍiyen d wasif iṭij di tefsut γef Ǧerǧer yeγli-d am aken a nsikid dges yettrus γef Lmεetqa ak tuder yefren mekteγ-d lfuḍa d ttqendurt Mecras, Buγni anda nettnus Tala g Ilef d-asawen asa ẓureγ-k-id s-wul i ḥus at ttreḥ dge-k lmutt ik iεusen d-igerfiwen... abrid n-Tizi Wezu yettawin γer Lzzayer ḥemleγ-k di lweqt unebdu rif, rif n-lebḥer acḥal deg-k i nleḥu Mirabu, Tadmayt, nestaεfu lemba ar Tizi, arr-d a nqeṣer asa tebwiḍ daεewsu s-tmara deg-k i nleḥu kul lqedmat yeḍra uxeṣer a yabrid n-Lexmis, At Xelfun, ar Tizi Γennif ḥemleγ-k ma d-γli tmedit ḥemleγ-k di lweqt n-lexrif mekteγ-d abrid Imnasen, Imkiren nṣubed Imẓallen, At Yeḥya Musa a d-nawi tislit neka-d Laεzib d-asawen, tiγṛatin, iḍebalen, lferḥ usan unebdu akw kif kif asa ulla d-leḥbab weḥcaγten taddart-iw, tin aεzizen, s-lbaεd ttwaliγ-tt d-aγilif... abrid n Draε Lmizan yettawin γer Tubirett tecfiḍ mi gerzen wusan ? azel a tumubil, seγres, i wagur, tiziri, itran, am iderwicen, d-ttikli kan, ma ... a neṭes, asa mi d-rziγ fellam, i zedγikem lweḥc d-aberkan, ur d-ğği kra dgem tmes... a yabrid n-Tezmalt yettawin γer Bgayet tecfiḍ ay Aqbu fell-as asen i cetwa, adfel yuwwet yesiγ-d akw γef La Sumam At Yala d wAt Wertilan lemba di Tici, din a nens asa yekfa seg-nneγ laman nettkukru deg wayen yellan necteq d-leḥbab a nḥewes asa yekfa seg-nneγ laman nettkukru deg wayen yellan necteq d-leḥbab a nḥewes... nḥemlikem dgem yiwet nḥemlikem amek i telliḍ ama d-lehna, ama terwet ama tbedeḍ, ama teγliḍ xas ğğan-am-d kan iγes xas ifuk weksum tesεiḍ nεemd γef kulec dgem nemmet yis-nneγ a-tt-bedeḍ, a-tt-illiḍ ma d-win i(g) yesaramen aken akem nhud, aγ yeḥkem asirem-is yezgel, tehṣiḍ xas ger-anneγ nemyeččet aberanni ur d-nesekcamet nukwni am uṣeyaḍ-nni ixmiṛ a d-yas was, a nemsefhamet d-atmaten a nemsamaḥet Lzzayer at uqwel am zik, naγ xir a d-yas was, a nemsefhamet d-atmaten a nemsamaḥet Lzzayer at uqwel am zik, naγ xir… Transcription : Icerfan |
#10
|
||||
|
||||
Targit
A yemma urgeγ targit ḥkiγ-tt i weḥbib a yettru, am aken teγlid tmedit yexla lḥal, di teẓga i nleḥu, azayeḍ, ṛεuḍ, timeqit ṭlam d rehba b-waḍu, duqseγ-d s tergigit gwadeγ a yemma kra a d-iyi-ḍṛu azayeḍ, ṛεuḍ, timeqit ṭlam d rehba b-waḍu, duqseγ-d s tergigit weḥceγ-tt teqim d-asefru... di targit, zerbeγ tikli γezzifit deg hawec rniγ, ṭafeṛn-iyi-d lγaci maken di tadart i lliγ, rewleγ, aḍaṛ yeğğayi ṭefn-iy, ..., dayen aεyiγ, di tlemast zin-iyi, d-acu di yibγan, wer ḥṣiγ, zdat-sen zwern-iyi, d-acu di yibγan, wer ẓṛiγ… bwin-iyi yid-sen, ṛuḥeγ bwḍeγ taddart, laεmer kecmeγ-tt, anwa aka d-mlaleγ ? d-yiwen udem-is teččat tamart, qarbeγ γures at maqleγ yettak cbi amzun sneγ-t, mi d-yenṭeq γuri, caṛweγ, d-ṣut n-baba εeqleγ, amzun aken ur yemut ferḥeγ γliγ deg rebi-s εenqeγ-t, amzun d-ttidett i ttεaceγ nek ziγ lliγ di laxxaṛt… ddiγ aken yides γer uḥewes lγaci s-leḥsab ur kefun, sεan lebsa yiwet am umeṛkanṭi, am maγbun, tğuğeg lqaεa, zediget caεlen iberdan, rennun, kes-d reẓq ur nelli dges iεum lxir, ḥed ur t-iεus, sanida ik yehwa kcem ullac win ak d-imedlen tabburt, ullac aεsekṛi ak i-d-yeḥbes ullac leḥkem, ullac leḥbus… yennak : ḥbes d-ttilisa muqel asif s-lwafeε ig ččuṛ, a nzger, ur nezmir-ara agmwaḍ ibanned, wayed n-lqum εeryan i teddun, leḥya tecεel tmest degsen leḥun, akal (γe)f i εefsen yeṛγa tecεel ulla di laεyun, ullac abrid i trewla s-targin-is yezi leḥyuḍ, ullac abrid i trewla s-targin-is yebna leḥyuḍ… yesteqsa-yi-d (γe)f arraw-is yestaqsa-yi-d γef yemma, nniγ-as : kul wa i ledha d-yiman-is ma d-yemma, meskint, dayen taεya, yestesqa-yi-d γef dunit yenna : « bγiγ a d-ẓuṛeγ kra », nniγ-as : qim, yelha anda telliḍ ur i zad dges wara, d-cwal anida teddiḍ yiwet ur teslek di tmura, d-cwal anida teddiḍ ullac axxam yethenna, ullac wi llan di lεeql-is meẓi, meqweṛ, yebehba, qim kan, yelha anda telliḍ dunit ur i zad dges kra… Transcription : Icerfan Dernière modification par Icerfan 08/06/2011 à 16h12 |
|
|